ପାରାଦୀପ- ପାରାଦୀପ ସମୁଦ୍ରରେ ଅଟକିଛି ୧୦ଟି ଜାହାଜ। କରୋନା ଭାଇରସ୍ ଆଶଙ୍କାରେ ଏହି ଜାହାଜ ଗୁଡିକୁ ବର୍ଥକୁ ଆସିବାକୁ ଅନୁମତି ଦେଉନି ପାରାଦୀପ ବନ୍ଦର। ଏହି ଜାହାଜ ଗୁଡିକ ୫ ଦିନ ମଧ୍ୟରେ ପାରାଦୀପକୁ ଆସିଛନ୍ତି। ଅନ୍ୟପଟେ ଜଗତସିଂହପୁର ଜିଲ୍ଲାପାଳଙ୍କ ଅଧକ୍ଷତାରେ କରୋନାକୁ ନେଇଁ ଅନୁଷ୍ଠିତ ହୋଇଛି ସମୀକ୍ଷା ବୈଠକ। କରୋନା ଭାଇରସ୍ ଧିରେ ଧିରେ ମହାମାରୀର ରୂପ ନେଉଛି। ଗୋଟିଏ ପରେ ଗୋଟିଏ ଦେଶକୁ ଏହା ଡେଇଁବାରେ ଲାଗିଛି। ଏହାକୁ ନେଇ ସାଧାରଣ ଜନତା ଚିନ୍ତିତ ଥିବାବେଳେ ଓଡିଶା ସରକାର ବିଭିନ୍ନ ସ୍ତରରେ ଏହାକୁ ରୋକିବାର ପ୍ରୟାସ ଜାରି ରଖିଛନ୍ତି। କିନ୍ତୁ ଏହାକୁ ନେଇ ବ୍ୟବସାୟୀକ କ୍ଷେତ୍ରରେ ମଧ୍ୟ ପ୍ରଭାବ ପଡିଛି। ପାରାଦୀପ ବନ୍ଦର କରୋନା ଭାଇରସକୁ ନେଇ କଡା ଆଭିମୁଖ୍ୟ ଗ୍ରହଣ କରିଛି। ଗତ ୫ ଦିନରେ ୧୦ ଜାହାଜର ପଣ୍ୟ ପରିବହନକୁ ଅନୁମତି ପ୍ରଦାନ କରୁନାହିଁ ବନ୍ଦର । ଉକ୍ତ ଜାହାଜ ଗୁଡିକ ଚୀନ, ସିଙ୍ଗାପୁର, ଶ୍ରୀଲଙ୍କା, ହଂକଂ ରୁ ଆସିଛନ୍ତି। ଉକ୍ତ ଜାହାଜର କର୍ମଚାରୀମାନଙ୍କ ସ୍ବାସ୍ଥ୍ୟ ସମ୍ପର୍କୀତ ତଥ୍ୟ ସଂଗ୍ରହ କରାଯାଉଛି । ଏଥିପାଇଁ ଜିଲ୍ଲା ପ୍ରଶାସନ ସମ୍ପୂର୍ଣ୍ଣ ସଜାଗ ଥିବା ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ପ୍ରକାଶ କରିଛନ୍ତି।
କରୋନା ଭାଇରସ୍ କୁ ନେଇ ଜଗତସିଂହପୁର ଜିଲ୍ଲାପାଳ ଆଜି ପାରାଦୀପ ସର୍କିଟ ହାଉସରେ ଏକ ସସୀକ୍ଷା ବୈଠକ କରିଥିଲେ । ଏଥିରେ ବିଭିନ୍ନ ବଡ ବଡ ହୋଟେଲର କର୍ମଚାରୀ, ପୋର୍ଟ ଡାକ୍ତରଖାନାର ସିଏମ୍ଓ, ଜଗତସିଂହପୁର ସିଡିଏମଓ, ପୋର୍ଟ ଜାହାଜ ଚଳାଚଳ ବିଭାଗର ଅଧିକାରୀ ଯୋଗ ଦେଇଥିଲେ । କରୋନା ଭୂତାଣୁ ନେଇ ଦେଶର ନାଗରିକମାନଙ୍କ ରିପୋର୍ଟ ପ୍ରତିଦିନ ଦେବା ପାଇଁ ହୋଟେଲଗୁଡିକୁ ନିର୍ଦ୍ଦେଶ ଦେଇଛନ୍ତି। ସେହିପରି ପୋର୍ଟ ପକ୍ଷରୁ ନିଆଯାଇଥିବା ପଦକ୍ଷେପ ସମ୍ପର୍କରେ ମଧ୍ୟ ଆଲୋଚନା କରିଛନ୍ତି। ବାହାର ଦେଶର ନାଗରିକଙ୍କ ରିପୋର୍ଟ ଆମେ ଦାଖଲ କରିବୁ ଏବଂ ହୋଟେଲ ସମ୍ମୁଖରେ ବ୍ୟାନର ଦ୍ବାରା ସଚେତନ କରାଇବୁ ବୋଲି ହୋଟେଲ କର୍ମଚାରୀମାନେ କହିଛନ୍ତି । ସେହିପରି ବନ୍ଦର ପକ୍ଷରୁ କରୋନାକୁ ନେଇ ବିଭିନ୍ନ ପଦକ୍ଷେପ ନିଆଯାଉଛି ଏବଂ ଅଟକ ଜାହାଜ ଗୁଡିକ ସେମାନଙ୍କ ଦୈନିକ ରିପୋର୍ଟ ଦାଖଲ କରୁଛନ୍ତି। ସେମାନଙ୍କୁ ପାରାଦୀପରେ ତଳକୁ ଓହ୍ଲାଇବା ପାଇଁ ଦିଆ ଯିବନାହିଁ। କିନ୍ତୁ କେବେ ଉକ୍ତ ଜାହାଜର ପଣ୍ୟ ପରିବହନ କରାଯିବ ତାହା ସ୍ପଷ୍ଟ ହୋଇନାହିଁ ବୋଲି ବୈଠକ ପରେ ପୋର୍ଟ ଡାକ୍ତରଖାନାର ମୁଖ୍ୟ ପ୍ରହଲ୍ଲାଦ ପଣ୍ଡା ପ୍ରକାଶ କରିଛନ୍ତି।
BREAKING NEWS
- ସୁଜାତା କାର୍ତ୍ତିକେୟନ୍ଙ୍କୁ ଅର୍ଥ ବିଭାଗକୁ ବଦଳି, ମିଶନଶକ୍ତି ବିଭାଗ ଦାୟିତ୍ୱ ନେଲେ ଶାଳିନୀ ପଣ୍ଡିତ
- ରୋହିତ ଭେମୁଲା ଦଳିତ ନ ଥିଲେ, କ୍ଲୋଜର ରିପୋର୍ଟ ଦାଖଲ କଲେ ହାଇକୋର୍ଟ
- ବାଜି ବଦଳାଇବେ ସ୍ବାଧୀନ !
- ନେତାଙ୍କୁ ପସନ୍ଦ ଏମିତି ଡ୍ରେସ୍
- ମାନିଲେନି ସୌମ୍ୟ? ସାବିତ୍ରୀଙ୍କୁ ଟିକେଟ୍
- ‘ମତଦାନ ହାର ବୃଦ୍ଧି ଦିଗରେ ସଚେତନତା ସୃଷ୍ଟିରେ ଛାତ୍ରଛାତ୍ରୀମାନେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରନ୍ତୁ’
- ମୁମ୍ବାଇ-କୋଲକାତା ମ୍ୟାଚରେ ଟସକୁ ନେଇ ବିବାଦ
- ଟାଟା ଷ୍ଟିଲ୍ ଏସଇଜେଡରେ ହାଇଜେନ୍କୋର ନୂତନ ପ୍ରକଳ୍ପ ଦ୍ୱାରା ଆହୁରି ସୁଦୃଢ ହେବ ଭାରତର ସବୁଜ ଇନ୍ଧନ କ୍ଷେତ୍ର
- ଆଦର୍ଶ ଆଚରଣବିଧି ଉଲ୍ଲଂଘନ ସଂକ୍ରାନ୍ତୀୟ ଅଭିଯୋଗ ଉପରେ କାର୍ଯ୍ୟାନୁଷ୍ଠାନ
- ୨୬ ସହର ରେ ୪୦ ଡ଼ିଗ୍ରୀ ଅତିକ୍ରମ କଲା ପାରଦ, ୪୪.୬ ଡ଼ିଗ୍ରୀ ସହ ବୌଦ୍ଧ ରାଜ୍ୟର ଉତ୍ତପ୍ତ ସହର