ଜୋରହାଟ: ଆସାମର ଜୋରହାଟ ବାୟୁସେନା ଷ୍ଟେସନରେ ଲ୍ୟାଣ୍ଡିଂ ସମୟରେ ଏକ ଭାରତୀୟ ବାୟୁସେନା AN-32 କାର୍ଗୋ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏୟାରବେସରେ ଅବତରଣ କରିବାକୁ ଚେଷ୍ଟା କରିବା ସମୟରେ ବିମାନଟି ଦୁର୍ଘଟଣାଗ୍ରସ୍ତ ହୋଇଛି।
ପ୍ରାରମ୍ଭିକ ସୂଚନା ଅନୁଯାୟୀ, ଏହା ସାମରିକ ତଥା ଅତ୍ୟାବଶ୍ୟକ ସାମଗ୍ରୀ ପରିବହନ ପାଇଁ ବ୍ୟବହୃତ ଏକ କାର୍ଗୋ ବିମାନ ଥିଲା। ଘଟଣାସ୍ଥଳରେ ଉଦ୍ଧାର ଏବଂ ତଦନ୍ତ ପ୍ରୟାସ ଜାରି ରହିଛି।
ଭାରତୀୟ ବାୟୁସେନା ଅନୁଯାୟୀ, AN-32 ବିମାନ ଜୋରହାଟ ବାୟୁସେନାରେ ଅବତରଣ କରିବାକୁ ଚେଷ୍ଟା କରୁଥିବା ସମୟରେ ଏହି ଦୁର୍ଘଟଣା ଘଟିଥିଲା। ଏନେଇ ଭାରତୀୟ ବାୟୁସେନା X ରେ ଏକ ପୋଷ୍ଟ କରିଛି।
ଅପରପକ୍ଷରେ ଦୁର୍ଘଟଣାରେ ପାଇଲଟଙ୍କ ଜୀବନ ଯାଇଥିବା ନେଇ ଆଶଙ୍କା କରାଯାଉଛି। ଯଦିଓ ଭାରତୀୟ ବାୟୁସେନା ଏପର୍ଯ୍ୟନ୍ତ ମୃତାହତ ନେଇ କୌଣସି ଖବର ସ୍ପଷ୍ଟ କରିନାହିଁ।