ବ୍ୟୁରୋ: ଦେଶ ଦେଖିଛି ଏମିତ ଏକ ମହାମାରୀ ଯାହା ଜୀବନ ଜିଇଁବାକୁ ତୁଛ କରିଦେଇଛି । କେତେ ମାନସିକ ଓ ଶାରିରୀକ ଭାବେ ଦୃଢ ଥିବା ଲୋକଙ୍କ ଜୀବନ ନେଇଥିଲା କରୋନା ଭାଇରସ୍ । ତାପରେ ଏବେ ଲୋକ ଅଂଟା ସଳଖି ଠିଆ ହେବାକୁ ଚେଷ୍ଟା କରୁଛନ୍ତି ସତ ହେଲେ କେବେ କେଉଁ ରୋଗରେ ଯେ କିଏ ମୃତ୍ୟୁବରଣ କରୁଛି ତାହା ଭାବିବା କଷ୍ଟ । ସେହିପରି ଏକ ରୋଗ ହେଉଛି ସିଙ୍ଗଲ୍ସ । ଦେହ କୁଣ୍ଡେଇ ହୋଇ ନାଲି ପଡିଯାଉଛି କିମ୍ବା ଯନ୍ତ୍ରଣାଦାୟକ ଓ ଅସ୍ୱାଭାବିକ ଫୋଟକା ହେଉଛିା ତେବେ ତାକୁ ଅଣଦେଖା କରନ୍ତୁ ନାହିଁ । ଡେରି ନକରି ଡାକ୍ତରଙ୍କ ପରାମର୍ଶ ନିଅନ୍ତୁ । କାରଣ ଏହି ସାମାନ୍ୟ କୁଣ୍ଡେଇ ହେବା ଆପଣଂକୁ ମାରାତ୍ମକ ରୋଗରେ ପକାଇ ପାରେ । ଆଜ୍ଞା ହଁ, ଏହା ସିଧାସଳଖ ଆପଣଙ୍କ ହୃଦୟ ଏବଂ ମସ୍ତିଷ୍କକୁ ପ୍ରଭାବିତ କରିପାରେ । ତାପୂର୍ବରୁ ଜାଣିବାକୁ ପଡିବ ସିଙ୍ଗଲ୍ସ କଣ । ସିଙ୍ଗଲ୍ସ ହେଉଛି ଏକ ଯନ୍ତ୍ରଣାଦାୟକ ଭାଇରାଲ୍ ସଂକ୍ରମଣ ଯାହା ଆପଣଙ୍କ ସ୍ନାୟୁ ଟିସୁରେ ସଂରକ୍ଷିତ ଚିକେନପକ୍ସ ଭାଇରସ ପୁନଃ ସକ୍ରିୟ ହୋଇ ଚର୍ମରେ କୁଣ୍ଡେଇ ହେବା ସହ ଫୋଟକା ହୋଇଯାଏ । ଆପଣ ଚିକେନପକ୍ସରୁ ସୁସ୍ଥ ହେବା ପରେ ଭାଇରସ୍ ଆପଣଙ୍କ ସ୍ନାୟୁରେ ଚୁପଚାପ ରହିଥାଏ । ବର୍ଷ ବର୍ଷ ପରେ ଏହା ଜାଗ୍ରତ ହୋଇପାରେ । ଆପଣଙ୍କ ଚର୍ମକୁ ସ୍ନାୟୁ ପଥ ଦେଇ ଯାତ୍ରା କରିପାରେ । ଏବଂ ଏକ ଯନ୍ତ୍ରଣାଦାୟକ ଫୋଟକା ସୃଷ୍ଟି କରିପାରେ । ଅଧ୍ୟୟନ କହୁଛି ସିଙ୍ଗଲ୍ସ ସଂକ୍ରମଣ ପରେ ବ୍ରେନ୍ଷ୍ଟ୍ରୋକ୍ ଏବଂ ହୃଦଘାତର ଅଧିକ ବିପଦ ରହିଛି । ଗବେଷକ ମାନେ ଏହାକୁ ଏକ ଭାଇରାଲ୍ ଭାବେ ପରୀକ୍ଷା କରୁଛନ୍ତି । ଯାହା ବେଶ ଯନ୍ତ୍ରଣାଦାୟକ ଫୋଟକା ଏବଂ ସ୍ଥାୟୀ ସ୍ନାୟୁ ଯନ୍ତ୍ରଣା ଆଣିଥାଏ । ଚର୍ମ ଓ ସ୍ନାୟୁ ବାହାରକୁ ଯାଇପାରେ । ଏହା ଷ୍ଟ୍ରୋକ୍ ସହ ଅନ୍ୟାନ୍ୟ ରକ୍ତବାହୀ ରୋଗର ବିପଦ ସୃଷ୍ଟି କରେ । ହୃଦଘାତ ପାଇଁ ସିଙ୍ଗଲ୍ସରୁ ମିଳିଥିବା ପ୍ରମାଣ ସବୁଠୁ ଶକ୍ତିଶାଳୀ ବୋଲି କୁହନ୍ତି ଗବେଷକ । ଏହାର ଲକ୍ଷଣ ହେଉଛି ପ୍ରଥମେ ନାଲି ପଡିବା ଫୋଟକା ପରେ ଜଳାପୋଡା ହେବା, କୁଣ୍ଡେଇ ହେବା ପରି ସ୍ଥିତି ଦେଖାଯିବ । ଶରୀରର ଗୋଟେ ପଟରେ ଏସବୁ ଦେଖାଦିଏ । ଏହା ହେଲେ ଜର, ମୁଣ୍ଡବିନ୍ଧା, ଥଣ୍ଡା ଲାଗିବା ଏବଂ ଅତ୍ୟଧିକ ହାଲିଆ ଲାଗିବ । ୭ରୁ ୧୦ଦିନ ମଧ୍ୟରେ ଦେହ ସୁସ୍ଥ ହୋଇଗଲେ ବି ଦେହରୁ ଦାଗ ୟିବାକୁ ୨ରୁ ୪ ସପ୍ତାହ ଲାଗିୟାଏ । ୫୦ ବର୍ଷ ପରେ ଏହି ଲ କ୍ଷଣ ଦେକାଦେଲେ ବା ଏହି ରୋଗ ହେଲେ ଜୀବନ ପ୍ରତି ବିପଦ ରହିଛି । ପୂର୍ବରୁ ଚିକେନ ପକ୍ସ ହୋଇନଥିଲେ ସିଙ୍ଗଲ୍ସ ହେବ ନାହିଁ । କାରଣ ଚିକେନ ପକ୍ସ ଭୂତାଣୁ ସିଙ୍ଗଲ୍ସକୁ ଜନ୍ମ ଦିଏ । ଏହାଦ୍ୱାରା ରୋଗପ୍ରତିରୋଧକ ଶକ୍ତି କମିଯାଏ , ଚିନ୍ତା ଓ ସମୟ ସମୟରେ ଉତେଜିତ ହେବା ପରି ଲକ୍ଷଣ ଆସେ । ଏହାଦ୍ୱାରା ହେଉଥିବା ଶୀରା ପ୍ରସିରାରେ ଦରଜ ମେଡିସିନ ଦ୍ୱାରା କମିଯିବ । କିନ୍ତୁ ୭୨ ଘଂଟା ମଧ୍ୟରେ ଚିକିତ୍ସା ଆରମ୍ଭ କରିବା ଜରୁରୀ । ସିଙ୍ଗଲ୍ସର ନିରାକରଣ ପାଇଁ ୨ଟି ଡୋଜ୍ ଭ୍ୟାକ୍ସିନ ମଧ୍ୟ ରହିଛି । ଯାହା ରୋଗ ଭଲ କରିଥାଏ । ତେଣୁ ସତକ ର୍ ରୁହନ୍ତୁ ଏବଂ ସ୍ୱାସ୍ଥ୍ୟର ନିଅନ୍ତୁ ।
