ନୂଆଦିଲ୍ଲୀ: ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ ଆଗାମୀ ନ୍ୟୁଜିଲାଣ୍ଡ ଗସ୍ତ ପାଇଁ ଭାରତର ଦିନିକିଆ ଏବଂ ଟେଷ୍ଟ୍ ଦଳ ଘୋଷଣା କରିଛି । ଟି-୨୦ ସିରିଜ୍ ପରେ ଭାରତୀୟ ଦଳ ନ୍ୟୁଜିଲାଣ୍ଡ ବିପକ୍ଷରେ ୫ଟି ଦିନିକିଆ ଏବଂ ୨ଟି ଟେଷ୍ଟ୍ ମ୍ୟାଚ୍ ଖେଳିବ । ନ୍ୟୁଜିଲାଣ୍ଡ ଗସ୍ତ ପାଇଁ ଟିମ୍ ଇଣ୍ଡିଆର ଏହି ନୂତନ ଘୋଷଣାରେ ଅତ୍ୟନ୍ତ ରୋମାଞ୍ଚକର ଏବଂ ସନ୍ତୁଳିତ ପରିବର୍ତ୍ତନଗୁଡ଼ିକ ଦେଖିବାକୁ ମିଳିଛି । ପ୍ରଥମ ୩ଟି ଦିନିକିଆ ମ୍ୟାଚ୍ ପାଇଁ ଶୁଭମନ ଗିଲ୍ଙ୍କୁ ଅଧିନାୟକ କରାଯାଇଛି, ଯେତେବେଳେ କି ଶେଷ ୨ଟି ଦିନିକିଆ ପାଇଁ ଶ୍ରେୟସ ଆୟର ଅଧିନାୟକ ଦାୟିତ୍ୱ ସମ୍ଭାଳିବେ; କାରଣ ଗିଲ୍ ଏବଂ କେ.ଏଲ୍. ରାହୁଲ ଟେଷ୍ଟ ସିରିଜ୍ ପ୍ରସ୍ତୁତିରେ ଲାଗିଯିବେ ।
ଶେଷ ଦୁଇଟି ମ୍ୟାଚ୍ ପାଇଁ ଇଶାନ କିଷାନଙ୍କୁ ଉପ-ଅଧିନାୟକ କରାଯାଇଛି । ୨୧ ବର୍ଷୀୟ ଯୁବ ୱିକେଟକିପର-ବ୍ୟାଟ୍ସମ୍ୟାନ୍ କୁମାର କୁଶାଗ୍ରଙ୍କୁ ପ୍ରଥମ ଥର ପାଇଁ ଦିନିକିଆ ଦଳରେ ସାମିଲ କରାଯାଇଛି । ଆହତ ସମସ୍ୟାରୁ ମୁକ୍ତି ପାଇବା ପରେ ଦ୍ରୁତ ବୋଲର୍ ଆକାଶ ଦୀପ ପାଖାପାଖି ଗୋଟିଏ ବର୍ଷ ପରେ ଟେଷ୍ଟ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି । ସେହିପରି ଋଷଭ ପନ୍ତ ଏବଂ ପ୍ରସିଦ୍ଧ କ୍ରିଷ୍ଣାଙ୍କୁ ଫିଟ୍ନେସ୍ କ୍ଲିୟରନ୍ସ ମିଳିବା ସର୍ତ୍ତରେ ଦଳରେ ସ୍ଥାନ ଦିଆଯାଇଛି, ଯେତେବେଳେ କି ଜସପ୍ରୀତ ବୁମରାଙ୍କୁ ଦିନିକିଆ ସିରିଜ୍ରୁ ବିଶ୍ରାମ ଦିଆଯାଇଛି ।
ପ୍ରଥମ ୩ଟି ଦିନିକିଆ ପାଇଁ ଭାରତୀୟ ଦଳ: ଶୁଭମନ ଗିଲ୍ (ଅଧିନାୟକ), ରୋହିତ ଶର୍ମା, ବିରାଟ କୋହଲି, ଶ୍ରେୟସ ଆୟର (ଉପ-ଅଧିନାୟକ), କେ.ଏଲ୍. ରାହୁଲ (ୱିକେଟକିପର), ନୀତୀଶ କୁମାର ରେଡ୍ଡୀ, ଅକ୍ଷର ପଟେଲ, ନମନ ଧୀର, ଅଂଶୁଲ କମ୍ବୋଜ, ଗୁରୁନୁର ବ୍ରାର, ରୁତୁରାଜ ଗାଏକ୍ୱାଡ, ଅର୍ଶଦୀପ ସିଂହ, ଇଶାନ କିଷାନ (ୱିକେଟକିପର), ମହମ୍ମଦ ସିରାଜ, ପ୍ରସିଦ୍ଧ କ୍ରିଷ୍ଣା (ଫିଟ୍ନେସ୍ ଅଧୀନରେ), ଏବଂ କୁଲଦୀପ ଯାଦବ।
ଶେଷ ଦୁଇଟି (୪ର୍ଥ ଓ ୫ମ) ଦିନିକିଆ ପାଇଁ ଦଳ: ଏହି ମ୍ୟାଚ୍ଗୁଡ଼ିକ ପାଇଁ ଶ୍ରେୟସ ଆୟରଙ୍କୁ ଅଧିନାୟକ ଦାୟିତ୍ୱ ଦିଆଯାଇଥିବାବେଳେ ଇଶାନ କିଷାନଙ୍କୁ ଉପ-ଅଧିନାୟକ କରାଯାଇଛି । ଦଳରେ ତିଲକ ବର୍ମା, ଆକିବ ନବୀ, କୁମାର କୁଶାଗ୍ର ଏବଂ ଯଶ ଠାକୁରଙ୍କୁ ସାମାଜ୍ କରାଯାଇଛି।
ଟେଷ୍ଟ୍ ଦଳ: ଶୁଭମନ ଗିଲ୍ (ଅଧିନାୟକ), ଯଶସ୍ୱୀ ଜୈସୱାଲ, କେ.ଏଲ୍. ରାହୁଲ (ଉପ-ଅଧିନାୟକ), ଦେବଦତ୍ତ ପଡ଼ିକଲ, ଋଷଭ ପନ୍ତ (ୱିକେଟକିପର), ଧ୍ରୁବ ଜୁରେଲ, ରବୀନ୍ଦ୍ର ଜାଡେଜା, ଅଂଶୁଲ କମ୍ବୋଜ, ଯଶପ୍ରୀତ ବୁମରା, ପ୍ରସିଦ୍ଧ କ୍ରିଷ୍ଣା, ଆକାଶ ଦୀପ, ସାଇ ସୁଦର୍ଶନ, ନୀତୀଶ କୁମାର ରେଡ୍ଡୀ, ୱାଶିଂଟନ୍ ସୁନ୍ଦର, କୁଲଦୀପ ଯାଦବ ଏବଂ ମହମ୍ମଦ ସିରାଜ।