ନୂଆଦିଲ୍ଲୀ: ଗର୍ଭବତୀ ମହିଳାଙ୍କ ପାଇଁ ମୋଦୀ ସରକାରଙ୍କ ବଡ ଉପହାର । ଇଏସ୍ଆଇସିର ଲାଭାର୍ଥୀ ଭର୍ଗବତୀ ମହିଳାଙ୍କୁ ମିଳୁଥିବା ଚିକିତ୍ସା ଖର୍ଚ୍ଚର ଅର୍ଥରାଶିକୁ ବଢ଼ାଇଛନ୍ତି ସରକାର । ଫଳରେ ଇଏସ୍ଆଇସିର ପରିସରଭୁକ୍ତ ବାହାରେ ଥିବା ମେଡିକଲରେ ଚିକିତ୍ସା କରାଉଥିବା ମହିଳାଙ୍କୁ ୫୦ ପ୍ରତିଶତ ଅଧିକ ଟଙ୍କା ଦେବେ କେନ୍ଦ୍ର ସରକାର ।
ସୂଚନା ମୁତାବକ, ଗର୍ଭବତୀ ମହିଳାଙ୍କ ପାଇଁ ଖର୍ଚ୍ଚ କରାଯାଉଥିବା ପ୍ରସୂତି ଖର୍ଚ୍ଚକୁ ବଢ଼ାଇ ୭,୫୦୦ ଟଙ୍କା କରିବା ପାଇଁ ନିଷ୍ପତି ନେଇଛନ୍ତି କେନ୍ଦ୍ର ସରକାର । ଏବେ ଏହା ୫ ହଜାର ଟଙ୍କା ରହିଛି । ଏହାର ଫାଇଦା କେବଳ ସେହି ମହିଳାଙ୍କୁ ମିଳିବ ଯେଉଁ କର୍ମଚାରୀ ରାଜ୍ୟ ବୀମା ନିଗମର ଲାଭାର୍ଥୀ ହୋଇଥିବେ । ଶ୍ରମମନ୍ତ୍ରୀ ସନ୍ତୋଷ ଗଙ୍ଗୱାରଙ୍କ ଅଧ୍ୟକ୍ଷତାରେ ହୋଇଥିବା ବୈଠକରେ ଏହି ନିଷ୍ପତି ନିଆଯାଇଛି ।
ଦରଦାମର ଅହେତୁକ ବୃଦ୍ଧିକୁ ଦୃଷ୍ଟିରେ ରଖି ସରକାରଙ୍କ ତରଫରୁ ଗର୍ଭବତୀ ମହିଳାଙ୍କୁ ମିଳୁଥିବା ପ୍ରସୂତି ଖର୍ଚ୍ଚକୁ ୫ ହଜାର ଟଙ୍କାରୁ ୭,୫୦୦ ଟଙ୍କାକୁ ବୃଦ୍ଧି କରାଯାଇଛି । ଏବେ ଦେଶବ୍ୟାପୀ ଇଏସ୍ଆଇସିର ୧୫୦ରୁ ଅଧିକ ହସ୍ପିଟାଲ ରହିଛି । ଏହି ହସ୍ପିଟାଲରେ ସାମାନ୍ୟଠୁ ନେଇ ଗୁରୁତର ରୋଗୀଙ୍କ ଚିକିତ୍ସା ସୁବିଧା ଉପଲବ୍ଧ ରହିଛି ।
Comments are closed.