ନିୟନ୍ତ୍ରଣ ହରାଇ ଆର୍ମି ଟ୍ରକ୍ ଦୁର୍ଘଟଣାଗ୍ରସ୍ତ, ୮ ଯବାନ ଆହତ

ହାଇଦ୍ରାବାଦ୍‌: ଶୁକ୍ରବାର ସକାଳର ସଡକ ଦୁର୍ଘଟଣା । ୧୪ ଯବାନଙ୍କୁ ନେଇ ଯାଉଥିବା ଏକ ଟ୍ରକ୍ ଦୁର୍ଘଟଣାଗ୍ରସ୍ତ ହୋଇଛି । ଫଳରେ ୮ଜଣ ଯବାନ ଆହତ ହୋଇଥିବା ସୂଚନା ମିଳିଛି । ୨ ଯବାନ ଗୁରୁତର ହୋଇଥିବା ସୂଚନା ମିଲିଛି । ତେଲେଙ୍ଗାନା ରଙ୍ଗାରେଡୀ ଜିଲ୍ଲାର ଛେଭେଲ୍ଲା ଅଂଚଳରେ ଗାଡିରୁ ନିୟନ୍ତ୍ରଣ ହରାଇଥିଲେ ସେନା ଟ୍ରକ୍ ଚାଳକ । ଫଲରେ ଟ୍ରକଟି ଗଛରେ ପିଟି ହୋଇଥିଲା । ଛେଭେଲ୍ଲା ପୋଲିସ ଅନୁସାରେ, ସକାଳ ପ୍ରାୟ ସାଢେ ୬ଟା ସମୟରେ ଗୋଲକୋଣ୍ଡା ଆମି ର୍କ୍ୟାମ୍ପରୁ ଶାବଦ ସେନା କ୍ୟାମ୍ପ ଯାଉଥିଲା ଏହି ସେନା ଟ୍ରକଟି । ଟ୍ରକରେ ଥିବା ସେନା କର୍ମଚାରୀଙ୍କୁ ଡ୍ରାଇଭର ଭାବେ ତାଲିମ ପାଇଁ ବାହାରକୁ ନିଆଯାଇଥିଲା । ଯେତେବେଳେ ଯବାନ ଜଣକ ଟ୍ରେନି ଭାବେ ଡ୍ରାଇଭିଂ କରୁଥିଲେ ଟ୍ରକଟି ଆଲ୍ଲାୱାଡା ଅଂଚଳରେ ରାସ୍ତାର ଡିଭାଇଡରରେ ପିଟି ହୋଇ ନିୟନ୍ତ୍ରଣ ବାହାରକୁ ଚାଲିଯାଇଥିଲା । ଫଳରେ ରାସ୍ତାକଡରେ ଥିବା ଏକ ଗଛରେ ପିଟି ହୋଇଥିଲା । ଏହି ଦୁର୍ଘଟଣାରେ ୮ଜଣ ଯବାନ ଆହତ ହୋଇଥିବା ବେଳେ ୨ଜଣ ଗୁରୁତର ହୋଇଥିବା ସୂଚନା ମିଲିଛି । ଗୋଲକୋଣ୍ଡାରେ ଥିବା ଆମି ର୍ ହସ୍ପିଟାଲରେ ଆହତ ଯବାନଙ୍କ ଚିକିତ୍ସା ଚାଲିଛି । ଏବେ ଯାଏ କୌଣସି ଅଭିଯୋଗ ହୋଇନଥିବା କହିଛନ୍ତି ଛେଭେଲ୍ଲା ଏସିପି ବି. କିଶାନ ।