ଫିକ୍ସିଂ ଅଭିଯୋଗ: ବଦଳିବ ୨୦ଟି ଯୁକ୍ତ ୨ ପରୀକ୍ଷା କେନ୍ଦ୍ର

ଭୁବନେଶ୍ୱର: ଯୁକ୍ତ ୨ ପରୀକ୍ଷା ପାଇଁ ବଦଳିବ ୨୦ଟି ପରୀକ୍ଷା କେନ୍ଦ୍ର । ଫିକ୍ସିଂ ଅଭିଯୋଗ ଆସିବା ପରେ ବିଜ୍ଞପ୍ତି ପ୍ରକାଶ ପାଇଥିବା ୧୧୪୨ କେନ୍ଦ୍ର ମଧ୍ୟରୁ ୨୦ଟି କେନ୍ଦ୍ର ପରିବର୍ତ୍ତନ କରାଯିବ । ଏନେଇ ଉଚ୍ଚ ମାଧ୍ୟମିକ ଶିକ୍ଷା ପରିଷଦର ପରୀକ୍ଷା ପରିଚାଳନା କମିଟି ବୈଠକରେ ନିଷ୍ପତି ହୋଇଛି ।
ସୂଚନାଯୋଗ୍ୟ, ଗତ ୭ ତାରିଖରେ ପରୀକ୍ଷା କେନ୍ଦ୍ର ଫିକିଂ ହୋଇଥିବା ନେଇ ଅଭିଯୋଗ ହୋଇଥିଲା । ଯୁକ୍ତ ୨ ପରୀକ୍ଷା କମିଟର ସଦସ୍ୟ ଏଭଳି ଗୁରୁତର ଅଭିଯୋଗ ଆଣିଥିଲେ । ପରୀକ୍ଷା ପରିଚାଳନା କମିଟିର ବିନା ଅନୁମତିରେ ପରୀକ୍ଷା କେନ୍ଦ୍ର ଚୟନ ହୋଇଥିବା ନେଇ କମିଟି ସଭ୍ୟ ସନ୍ତୋଷ ସିଂ ସାଲୁଜା ଓ କିଶୋର ମହାନ୍ତି କହିଥିଲେ ।
କମିଟି ପୂର୍ବରୁ ଦେଇଥିବା ପରୀକ୍ଷା କେନ୍ଦ୍ର ତାଲିକା ବଦଳାଇ ଆଉ ଏକ ନୂଆ ତାଲିକା ପ୍ରକାଶ କରିଥିଲା ବୋଲି କମିଟି ସଭ୍ୟମାନେ ଅଭିଯୋଗ କରିଥିଲେ । ପୂର୍ବ ବର୍ଷ ପରୀକ୍ଷାରେ ଯେଉଁ ସେଂଟର ମାନଙ୍କରେ କପି ଧରା ଯାଇଥିଲା କିମ୍ବା କପି ହେଉଥିବା ନେଇ ସ୍କ୍ରାଚ କରାଯାଇଥିଲା ସେହି ପରୀକ୍ଷା କେନ୍ଦ୍ରକୁ ଚଳିତ ବର୍ଷ ସେଂଟର କରିବା ତାଲିକାରୁ ବାଦ ଦେବା ପାଇଁ କମିଟି ପ୍ରସ୍ତାବ ଦେଇଥିଲା । ହେଲେ କମିଟର ଏହି ପ୍ରସ୍ତାବକୁ ବଦଳାଇ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଅଲଗା ତାଲିକା ପ୍ରସ୍ତୁତ କରିଥିଲା ବୋଲି କମିଟି ସଭ୍ୟ ଅଭିଯୋଗ କରିଥିଲେ ।