ଭୁବନେଶ୍ୱର: କରୋନା ପାଇଁ ବ୍ୟାଙ୍କଗୁଡିକ ଉପରେ ଜାରି ହେଲା ଗାଇଡଲାଇନ । ଏନେଇ ବ୍ୟାଙ୍କଗୁଡିକୁ ଚିଠି ଲେଖି ଜଣାଇଛନ୍ତି ଅର୍ଥ ବିଭାଗ । ଏଟିଏମ୍ ଗୁଡିକରେ ଯଥେଷ୍ଟ ଟଙ୍କା ଗଚ୍ଛିତ ରଖିବାକୁ ନିର୍ଦ୍ଦେଶ ଦିଆଯାଇଛି । ସେହିପରି କରୋନା ସଚେତନତା ପାଇଁ ପ୍ରତି ଏଟିଏମ୍ରେ ସତର୍କ ସୂଚନା ଫଳକ ଲଗାଇବା ପାଇଁ କୁହାଯାଇଛି ।
ଅଫିସ ଭିତରେ ବ୍ୟାଙ୍କ କର୍ମଚାରୀ ମାସ୍କ ବ୍ୟବହାର କରନ୍ତୁ । ବ୍ୟାଙ୍କରେ ଭିଡ କମାଇବାକୁ ଅଧିକ ପରିମାଣରେ କାଉଂଟର ଖୋଲିବାକୁ ନିର୍ଦ୍ଦେଶ ଦିଆଯାଇଛି । ଏଟିଏମ୍ରେ ଟଙ୍କା ଉଠାଇବା ପରେ ସାନିଟାଇଜରରେ ହାତ ଧୋଇବେ ଲୋକେ । ଏଟିଏମ୍ କାଉଂଟର ପ୍ରତିଦିନ ମେସିନରେ ସଫା କରାଯିବାକୁ କୁହାଯାଇଛି ।
ଆବଶ୍ୟକ ନଥିଲେ ଏଟିଏମ୍ ବ୍ୟବହାର ନକରିବାକୁ ଗ୍ରାହକଙ୍କୁ ଏମ୍ଏମ୍ଏସ୍ ଜରିଆରେ ବ୍ୟାଙ୍କ ସତର୍କ କରାଇବାକୁ କୁହାଯାଇଛି । ଏହି ସମୟରେ ମୋବାଇଲ ଓ ଅନ୍ଲାଇନ ବ୍ୟାଙ୍କିଙ୍ଗ ସେବା ଅଧିକ ବ୍ୟବହାର ଉପରେ ଗୁରୁତ୍ୱ ଦେବାକୁ ପରାମର୍ଶ ଦିଆଯାଇଛି ।
Comments are closed.