ନୂଆଦିଲ୍ଲୀ: ସୋମାବର ବିଜେପି ୪୦ ବର୍ଷରେ ପାଦ ଦେଇଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରୋନା ଭାଇରସ୍ ବିରୋଧରେ ଦୀର୍ଘ ଦିନ ଲଢ଼େଇ ଚାଲିବ। ତେଣୁ, ଲୋକେ କ୍ଳାନ୍ତ ହୁଅନ୍ତୁ ନାହିଁ କି, ପରାସ୍ତ ହୁଅନ୍ତୁ ନାହିଁ ବୋଲି ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜନସାଧାରଣଙ୍କୁ କହିଛନ୍ତି । ଏ ଲମ୍ବା ଲଢ଼େଇ । ଏଥିରେ ଆମେ ଜିତିବା ହାରିବା ନାହିଁ ବୋଲି ମୋଦି କହିଛନ୍ତି । ଏଥିସହ ସେ ଦଳର ସମସ୍ତ ସଦସ୍ୟଙ୍କୁ କରୋନା ଲଢ଼େଇରେ ସାମିଳ ହେବାକୁ ଆହ୍ୱାନ କରିଛନ୍ତି ।
ଦେଶରେ କରୋନା ଆତଙ୍କ ଖେଳାଇଛି । ଏଭଳି ଜଟିଳ ସମୟରେ ବିଜେପିର ସମସ୍ତ ସଦସ୍ୟ ମିଳିତ ଭାବେ ଲୋକଙ୍କ ସହାୟତା କରିବାକୁ ଆଗେଇ ଆସିବା ଉଚିତ ବୋଲି ସେ କହିଛନ୍ତି। ଏହାଛଡ଼ା ଅସୁବିଧାରେ ଥିବା ବ୍ୟକ୍ତିବିଶେଷଙ୍କୁ ସହାୟତା କରିବାକୁ ମଧ୍ୟ ସେ କର୍ମୀମାନଙ୍କୁ ପରାମର୍ଶ ଦେଇଛନ୍ତି । ଏହି ସଙ୍କଟମୟ ପରିସ୍ଥିତିରେ ଯେମିତି କେହି ଭୋକିଲା ନ ରୁହନ୍ତି ସେଥିପ୍ରତି ଧ୍ୟାନ ଦେବାକୁ ସେ ତାଙ୍କୁ କହିଛନ୍ତି । ଏଥିସହ ଦଳର ସଦସ୍ୟମାନେ ମୂଳ ଲକ୍ଷ୍ୟକୁ ନ ଭୁଲି ଜନସାଧାରଣଙ୍କ ସେବା ପ୍ରତି ଧ୍ୟାନ ଦେବା ଜରୁରୀ ବୋଲି ମୋଦି କହିଛନ୍ତି ।
Comments are closed.