ଭୁବନେଶ୍ୱର: ଲକ୍ଡାଉନରେ ଫସିରହିଥିବା ପ୍ରବାସୀ ଓଡ଼ିଆ ମାନଙ୍କୁ ଓଡ଼ିଶା ଆସିବା ଲାଗି ସରକାର ସ୍ୱତନ୍ତ୍ର ଟ୍ରେନର ବ୍ୟବସ୍ଥା କରିଛନ୍ତି । ଯେଉଁ ତିନୋଟି ରାଜ୍ୟରୁ ପ୍ରବାସୀ ଓଡ଼ିଆମାନେ ଆଜି ୫ଟି ସ୍ୱତନ୍ତ୍ର ଟ୍ରେନ ଯୋଗେ ଫେରିବେ ସେହି ରାଜ୍ୟ ଗୁଡ଼ିକ ହେଲା – ଗୁଜରାଟ, ମହାରାଷ୍ଟ୍ର ଓ ତାମିଲନାଡୁ ।
ଓଡ଼ିଶା ଅଭିମୁଖେ ଏବେ ଯେଉଁ ଟ୍ରେନ ଗୁଡ଼ିକ ଆସିବ:
- ଅହମ୍ମଦାବାଦରୁ ୨ଟି ଟ୍ରେନ ଖୋର୍ଦ୍ଧାରୋଡ଼ ଆସିବ
- ମୁମ୍ବାଇ (ପାନଭେଲ)ରୁ ଗୋଟିଏ ଟ୍ରେନ ଟିଟିଲାଗଡ଼ ଆସିବ
- ଚେନ୍ନାଇରୁ ଜଗନ୍ନାଥପୁର ଗୋଟିଏ ଟ୍ରେନ
- ସୁରଟରୁ ଗୋଟିଏ ଟ୍ରେନ ଜଗନ୍ନାଥପୁର ଆସିବ
ଇତିମଧ୍ୟରେ ଶନିବାର ଦିନ ସୁରଟରୁ ପ୍ରବାସୀ ଓଡ଼ିଆଙ୍କୁ ଧରି ଏକ ସ୍ୱତନ୍ତ୍ର ଶ୍ରମିକ ଟ୍ରେନ ଓଡ଼ିଶା ଅଭିମୁଖେ ବାହାରି ସାରିଛି । ସୁରଟ ରେଲୱେ ଷ୍ଟେସନରେ ସ୍ଥାନୀୟ ଜିଲ୍ଲାପାଳ ତଥା ସେଠାକାର ପ୍ରଶାସନିକ ଅଧିକାରୀମାନଙ୍କୁ ଏହି ପ୍ରବାସୀ ଓଡ଼ିଆମାନେ ଫୁଲତୋଡ଼ା ଦେଇ ଧନ୍ୟବାଦ ଅର୍ପଣ କରିଛନ୍ତି । ଷ୍ଟେସନରେ ସ୍ଥାନୀୟ ଜିଲ୍ଲାପାଳ ଧାୱଲ କୁମାର ପଟେଲ୍ ଉପସ୍ଥିତ ରହି ଓଡ଼ିଆ ପ୍ରବାସୀ ମାନଙ୍କୁ ଅଭିବାଦନ ଜଣାଇଥିଲେ ।
ଏହି ଟ୍ରେନଟି ରବିବାର ଦିନ ବ୍ରହ୍ମପୁର ଷ୍ଟେସନରେ ପହଞ୍ଚିବ ।
Comments are closed.