ମୁଜାଫରପୁର: ବଲିଉଡ ଅଭିନେତା ସ୍ବର୍ଗତ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ସ୍ଥାନୀୟ କୋର୍ଟରେ ବଲିଉଡ ସୁପରଷ୍ଟାର ସଲମାନ ଖାନ, ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ସମେତ ୭ ଜଣଙ୍କ ବିରୋଧରେ ଅପରାଧିକ ଅଭିଯୋଗ ଆଣିଛନ୍ତି ଜଣେ ସ୍ଥାନୀୟ ଓକିଲ । ଏସଂକ୍ରାନ୍ତରେ ପରବର୍ତ୍ତୀ ଶୁଣାଣି ତାରିଖ ଜୁଲାଇ ୩ ତାରିଖରେ ହେବ ବୋଲି କୋର୍ଟ ସ୍ଥିର କରିଛନ୍ତି।
ମୁଖ୍ୟ ଜୁଡିସିଆଲ ମାଜିଷ୍ଟ୍ରେଟଙ୍କ କୋର୍ଟରେ ଏହି ଅଭିଯୋଗ ଦାଖଲ ହୋଇଥିବା ଜଣାପଡିଛି। ଓକିଲ ସୁଧୀର କୁମାର ଓଝା ଅଭିଯୋଗ କରିଛନ୍ତି ଯେ ଏହି ଆଠ ଜଣ ବ୍ୟକ୍ତି ଏକ ଷଡ଼ଯନ୍ତ୍ରରେ ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରିଥିଲେ, ଯାହାକୁ ସେ ନିବେଦନ କରିଥିଲେ, ଏହା ହତ୍ୟାକାଣ୍ଡ ଅଟେ।
ଅଭିଯୋଗରେ ନାମିତ ଅନ୍ୟମାନେ ହେଉଛନ୍ତି ଆଦିତ୍ୟ ଚୋପ୍ରା, ସାଜିଦ ନାଦିଆଦୱାଲା, ସଞ୍ଜୟ ଲୀଲା ଭନସାଲୀ, ଭୂଷଣ କୁମାର, ଏକତା କପୁର ଏବଂ ନିର୍ଦ୍ଦେଶକ ଦୀନେଶ।
ଅଭିଯୋଗକାରୀ ଦାବି କରିଛନ୍ତି ଯେ ଏହି ବ୍ୟକ୍ତିମାନେ ଷଡଯନ୍ତ୍ରରେ ସୁଶାନ୍ତଙ୍କ ଚଳଚ୍ଚିତ୍ରକୁ ମୁକ୍ତିଲାଭ କରିବାକୁ ଦେଇ ନାହାଁନ୍ତି ଏବଂ ଏହି ଲୋକମାନଙ୍କ ହେତୁ ସ୍ୱର୍ଗତ ଅଭିନେତାଙ୍କୁ କୌଣସି ଚଳଚ୍ଚିତ୍ର ଭିତ୍ତିକ କାର୍ଯ୍ୟକ୍ରମରେ ନିମନ୍ତ୍ରଣ କରାଯାଏ ନାହିଁ।
ଓଝା କହିଛନ୍ତି ଯେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ କେବଳ ବିହାରର ଲୋକଙ୍କୁ ନୁହେଁ ସମଗ୍ର ଦେଶକୁ ଆଘାତ ଦେଇଛି।
ସେ କହିଛନ୍ତି ଯେ ଧାରା ୩୦୬, ୧୦୯, ୫୦୪ ଏବଂ ୫୦୬ ଅନୁଯାୟୀ ଏହି ଅଭିଯୋଗ ଦାଖଲ କରାଯାଇଛି ଏବଂ ବଲିଉଡ ଅଭିନେତା କଙ୍ଗନା ରାଣାୱତ ଏହି ମାମଲାରେ ସାକ୍ଷୀ ଭାବରେ ତାଲିକାଭୁକ୍ତ ହୋଇଛନ୍ତି।
ରବିବାର ଦିନ ମୁମ୍ବାଇର ବାନ୍ଦ୍ରା ସ୍ଥିତ ଫ୍ଲାଟରେ ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିବା ଅଭିଯୋଗ ହୋଇଥିଲା ।