ପାଟଣାରେ ଶ୍ରାବଣ ସୋମବାରରେ କାଉଡିଆଙ୍କୁ ଜଳଲାଗି ମନା

ବିହାର: ପାଟଣା ସହରରେ କରୋନା ସଂକ୍ରମିତଙ୍କ ସଂଖ୍ୟା ବଢୁଥିବାରୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି ସରକାର । ଶ୍ରାବଣ ମାସରେ ଜଳଲାଗି ପାଇଁ କାଉଡିାଙ୍କୁ ମନା ହୋଇଛି ଶିବ ମନ୍ଦିର । ପାଟଣା ଜିଲ୍ଲାରେ ଥିବା ଶିବ ମନ୍ଦିର ସବୁ ଆସନ୍ତା ଅଗଷ୍ଟ ୪ ତାରିଖ ଯାଏଁ ବନ୍ଦ ରଖିବାକୁ ଘୋଷଣା କରିଛନ୍ତି ସ୍ଥାନୀୟ ପ୍ରଶାସନ ।
ଯେଉଁସବୁ ଶିବ ମନ୍ଦିରରେ ଶ୍ରାବଣ ମାସରେ ଭିଡ଼ ଜମେ ଓ ଜଳଲାଗି ପାଇଁ ହଜାର ହଜାର କାଉଡ଼ିଆ ଆସନ୍ତି ସେସବୁ ଶିବ ମନ୍ଦିର ବନ୍ଦ ରହିବ । ସେହିପରି ଶ୍ରାବଣ ମେଳା ଓ କାଉଡିଆ ଯାତ୍ରା ଆୟୋଜନ ଉପରେ ବି ରୋକ ଲଗାଇଛି ପ୍ରଶାସନ ।

ଆସନ୍ତା ୬ ତାରିଖରୁ ଆରମ୍ଭ ହେଉଛି ଶ୍ରାବଣ ମାସ । ଏହି ମାସରେ ଶିବ ମନ୍ଦିରରେ ପୂଜାର୍ଚ୍ଚନା ସହ ଜଳାଭିଷେକ କରିବା ପାଇଁ ପାଟଣାର ବିଭିନ୍ନ ଶିବ ମନ୍ଦିରରେ ଅହେତୁକ ଭିଡ଼ ହୁଏ । କରୋନା ସଂକ୍ରମଣ ବଢ଼ିବା ଆଶଙ୍କା କରି ସତର୍କତାମୂଳକ ପଦକ୍ଷେପ ଭାବରେ ଜିଲ୍ଲାର ସମସ୍ତ ଶିବ ମନ୍ଦିର ବନ୍ଦ ପାଇଁ ନିଷ୍ପତ୍ତି ନେଇଛି ପାଟଣା ଜିଲ୍ଲା ପ୍ରଶାସନ ।