ଡିସେମ୍ବରରେ ପାଇଲଟ୍ ହେବେ କଙ୍ଗନା ରଣାୱତ !

ମୁମ୍ବାଇ: ପାଇଲଟ୍ ବନିବେ କଙ୍ଗନା ରଣାୱତ୍ । କଥାଟା ଶୁଣିବାକୁ ଅଜବ ଲାଗୁଥିଲେ ବି ସତ । ହେଲେ ରିୟଲ୍‌ରେ ନୁହେ ବରଂ ରିଲ୍ ଲାଇଫରେ ତାଙ୍କୁ ପାଇଲଟ୍ ଭୂମିକାରେ ଦେଖିବାକୁ ମିଳିବ । ନିକଟରେ କଙ୍ଗନାଙ୍କ ଆଗାମୀ ଫିଲ୍ମର ଫାଷ୍ଟ ଲୁକ୍ ରିଭିଲ୍ ହୋଇଛି ।

ଫିଲ୍ମର ଟାଇଟଲ ତେଜସ୍ ରହିଥିଲାବେଳେ ଡିସେମ୍ବରରେ ଏହାର ସୁଟିଂ ଆରମ୍ଭ ହେବ । ଭାରତର ଫାଇଟର୍ ଜେଟ୍ ତେଜସ୍‌କୁ ନେଇ ଫିଲ୍ମର ଟାଇଟଲ୍ ଧାର୍ଯ୍ୟ ହୋଇଛି । ୨୦୧୬ରେ ଭାରତୀୟ ବାୟୁସେନା ମହିଳା ପାଇଲଟଙ୍କୁ ଲଢୁଆ ବିମାନରେ ଯୋଦ୍ଧା ଭାବେ ସାମ୍ନାକୁ ଆଣିଥିଲା । ଏହି ପ୍ରେରଣାଦାୟୀ ଘଟଣା ଉପରେ ଫିଲ୍ମର କାହାଣୀ ଆଧାରିତ ।

#Tejas starring @KanganaTeam to take-off this December! ✈️
This film is our ode to the brave Air Force Pilots of India! Jai Hind ??#FridaysWithRSVP @sarveshmewara1 @RSVPMovies @nonabains pic.twitter.com/tWZwtBHDeA

— Ronnie Screwvala (@RonnieScrewvala) August 28, 2020

ଉରି-ଦ ସର୍ଜିକାଲ ଷ୍ଟ୍ରାଇକ୍ ଭଳି ଫିଲ୍ମ ନିର୍ମାଣ କରିଥିବା ରୋନି ସ୍କ୍ରିଉୱାଲା ତେଜସର ପ୍ରଯୋଜନା ଦାୟିତ୍ୱ ତୁଲାଇବେ । ସେହିଭଳି ନିର୍ଦ୍ଦେଶନା ଭାର ସମ୍ଭାଳିବେ ସର୍ବେଶ ମେୱାରା । ଫିଲ୍ମର ସୁଟିଂ ଆରମ୍ଭ ହେବା ନେଇ ସମସ୍ତ କ୍ରିଉ ବେଶ ଉତ୍ସାହିତ ଥିବାବେଳେ ଫାଇଟର୍ ପାଇଲଟ୍ ଭାବେ କଙ୍ଗନା ବି ନିଜକୁ ପ୍ରସ୍ତୁତ କରୁଛନ୍ତି ।