ବେଙ୍ଗାଲୁରୁ: ୩୪ ବର୍ଷ ବୟସ୍କ ଏଆଇ ଇଞ୍ଜିନିୟର ଅତୁଲ ସୁଭାଷଙ୍କ ଆତ୍ମହତ୍ୟା ଖବର ସମସ୍ତଙ୍କୁ ଦୋହଲାଇ ଦେଇଛି। ମୃତ୍ଯୁ ପୂର୍ବରୁ ଅତୁଲ ଏକ ୨୪ ପୃଷ୍ଠାର ସୁଇସାଇଡ୍ ନୋଟ୍ ମଧ୍ଯ ଲେଖିଥିଲେ। ୯୦ ମିନିଟରୁ ଅଧିକ ଏକ ଭିଡିଓ ମଧ୍ୟ ପ୍ରସ୍ତୁତ କରିଛନ୍ତି। ଏହାରି ମଧ୍ୟରେ ଅତୁଲ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ନାମରେ ଲେଖିଥିବା ଚିଠି ସାମ୍ନାକୁ ଆସିଛି। ଯେଉଁଥିରେ ସେ ତାଙ୍କର ଅସୁବିଧା ବିଷୟରେ ଉଲ୍ଲେଖ କରିଛନ୍ତି।
ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ତିନି ପୃଷ୍ଠାର ଚିଠିରେ ଅତୁଲ ଲେଖିଛନ୍ତି – କୋର୍ଟ ବିରୋଧରେ ଜୀବନ୍ତ ଲୋକଙ୍କ କହିବାକୁ ସକ୍ଷମ ନୁହଁନ୍ତି। କିନ୍ତୁ କେବଳ ଜଣେ ମୃତ ବ୍ୟକ୍ତି ହିଁ କହିପାରିବେ। ମୋ ପତ୍ନୀ ମୋତେ ଥରେ ନୁହେଁ ଅନେକ ଥର ନିର୍ଯାତନା ଦେଇଥିଲେ। ଏପରିକି କୋର୍ଟରେ ମୋ କଥା କେହି ଶୁଣିନଥିଲେ। କୋର୍ଟ ମାଧ୍ୟମରେ ମୋ ପତ୍ନୀ ମୋତେ ବହୁତ ନିର୍ଯାତନା ଦେଇଥିଲେ। କୋର୍ଟ କେସ୍ ପାଇଁ ମୋତେ ବାଙ୍ଗାଲୋରରୁ ଜୈନପୁରକୁ ୪୦ ଥର ଆସିବାକୁ ପଡିଥିଲା। କଳ୍ପନା କରନ୍ତୁ ମୋ ପାଇଁ ଏହା କେତେ କଷ୍ଟକର ହୋଇଥିବ କାରଣ ମୋତେ କେବଳ ୨୩ଟି ଛୁଟି ମିଳିଥାଏ। ମୋ ପରିବାରକୁ ମଧ୍ୟ ବାରମ୍ବାର କୋର୍ଟକୁ ଆସିବାକୁ ପଡିଲା। ଏହି ମାମଲାଗୁଡ଼ିକ କେବଳ ମୋତେ ନୁହେଁ, ମୋର ପିତାମାତା ଏବଂ ଭାଇଙ୍କୁ ମଧ୍ୟ ଅସୁବିଧାରେ ପକାଇଥିଲା।
ଅତୁଲ ଆହୁରି କହିଛନ୍ତି, ‘ଆଜି ଭାରତୀୟ ନ୍ୟାୟପାଳିକା ଏହାର ସମସ୍ତ ସୀମା ଅତିକ୍ରମ କରିଛି। ଅତୁଲ କହିଛନ୍ତି ଯେ ଭାରତୀୟ ନ୍ୟାୟପାଳିକା ଏହାର ବର୍ତ୍ତମାନର ସ୍ଥିତିକୁ ପରିବର୍ତ୍ତନ କରିବା ଆବଶ୍ୟକ।
ଆପଣଙ୍କର ଏକ କ୍ଷମତା ଅଛି, ଯାହା ସୁପ୍ରିମକୋର୍ଟଙ୍କ ଠାରୁ ବହୁତ ଅଧିକ। ସଂସଦର ସାହାଯ୍ୟରେ ଆପଣ ନିଶ୍ଚିତ ଭାବରେ ନ୍ୟାୟ ବ୍ୟବସ୍ଥାରେ କିଛି ପରିବର୍ତ୍ତନ କରିପାରିବେ। ଯାହାଫଳରେ ମୋ ପରି କେହି ଡିପ୍ରେସନ ଭିତରକୁ ଯିବେ ନାହିଁ ଏବଂ ଏଭଳି ପଦକ୍ଷେପ ନେବାକୁ ବାଧ୍ୟ ହୁଅନ୍ତି ନାହିଁ।
Comments are closed.