ଗାନ୍ଧୀନଗର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁଜରାଟରେ ଝୁଲାପୋଲ ଦୁର୍ଘଟଣାକୁ ନେଇ ରାଜଭବନରେ ଉଚ୍ଚସ୍ତରୀୟ ସମୀକ୍ଷା ବୈଠକ କରିଛନ୍ତି । ବୈଠକ ପରେ ଗୁଜରାଟରେ ଗୋଟିଏ ଦିନ ପାଇଁ ଶୋକ ଦିବସ ପାଳନ କରିବାକୁ ନିଷ୍ପତ୍ତି ନିଆଯାଇଥିବା ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ କହିଛନ୍ତି । ନଭେମ୍ବର 2 ତାରିଖରେ ଗୁଜରାଟରେ ଶୋକଦିବସ ପାଳନ କରାଯିବ ବୋଲି ସେ ଟୁଇଟ କରି କହିଛନ୍ତି । ଦୁର୍ଘଟଣା ପରେ ଉଦ୍ଧାର କାର୍ଯ୍ୟ ନେଇ ପ୍ରଧାନମନ୍ତ୍ରୀ ପଚାରି ବୁଝିଛନ୍ତି । ପ୍ରଧାନମନ୍ତ୍ରୀ ମୋଦୀ ଏହି ଘଟଣାରେ ପ୍ରଭାବିତ ଲୋକଙ୍କୁ ଆବଶ୍ୟକୀୟ ସାହାଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି ।
A decision was taken to observe state-wide mourning in Gujarat on Nov 2, for the deceased in #MorbiBridgeCollapse. The national flag will be flown at half-mast on govt buildings in the state & no functions/entertainment programs will be held, tweets Gujarat CM Bhupendra Patel https://t.co/gMDZgKooQO pic.twitter.com/kPgX7Y9YJT
— ANI (@ANI) October 31, 2022
ଏହି ଉଚ୍ଚସ୍ତରୀୟ ବୈଠକରେ ମୁଖ୍ୟମନ୍ତ୍ରୀ ଭୂପେନ୍ଦ୍ର ଭାଇ ପଟେଲ, ଗୃହ ରାଜ୍ୟ ମନ୍ତ୍ରୀ ହର୍ଷ ସଂଘବୀ, ଗୁଜୁରାଟର ମୁଖ୍ୟ ସଚିବ ଏବଂ ଡିଜିପିଙ୍କ ସମେତ ରାଜ୍ୟର ଗୃହ ବିଭାଗ ଓ ଗୁଜରାଟ ରାଜ୍ୟର ଆପାତ୍ତକାଳୀନ ପ୍ରବନ୍ଧନ ପ୍ରାଧୀକରଣ ସହ ଅନ୍ୟ ଶୀର୍ଷ ଅଧିକାରୀ ଉପସ୍ଥିତ ଥିଲେ । ମୋଦୀ କହିଥିଲେ କି ସରକାର ଏହି ଦୁଃଖର ସମୟରେ ପୀଡ଼ିତଙ୍କ ପରିବାର ସହ ସବୁବେଳେ ଅଛନ୍ତି ।
ଏହି ଘଟଣାରେ କାର୍ଯ୍ୟରେ ଅବହେଳା କରିଥିବା ନଅ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ଏମାନଙ୍କ ବିରୋଧରେ ଆଇପିସିର ଧାରା 304, ଧାରା 308 ଅନୁଯାୟୀ ଗିରଫ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଯେଉଁମାନେ ଏଥିରେ ଦୋଷୀହେବେ ସେମାନଙ୍କୁ କଠୋର ଦଣ୍ଡ ଦିଆଯିବ ବୋଲି ମୋରବି ଆଇଜି ଅଶୋକ କୁମାର ଯାଦବ କହିଛନ୍ତି ।