ଫ୍ଲିପକାର୍ଟ ବିଗ୍ ବିଲିୟନ ଡେ ସବୁଠାରୁୁ ବଡ଼ ଡିଲ୍, ଏତେ ଶସ୍ତା ହୋଇଗଲା ଆଇଫୋନ

ନୂଆଦିଲ୍ଲୀ: ନୂଆ ଆଇଫୋନ୍ ୧୭ ଲଞ୍ଚ ହେବା ପରେ ସମସ୍ତେ ପୁରୁଣା ଫୋନ୍‌ଗୁଡ଼ିକୁ କେତେ ଶସ୍ତାରେ କିଣି ହେବ ? ଯଦି ଆପଣ ଜଣେ ଆଇଫୋନ୍ ଫ୍ୟାନ୍, ତେବେ ଏହି ଉତ୍ସବ ଋତୁରେ ପୁରୁଣା ଆଇଫୋନ୍ ମଡେଲ୍‌ଗୁଡ଼ିକ ଉପରେ ବଡ଼ ରିହାତି ଦେଖିବାକୁ ମିଳୁଛି। ଆଇଫୋନ୍ ୧୭ ଏବଂ ଆଇଫୋନ୍ ଏୟାର୍ ଲଞ୍ଚ ହେବା ପରେ ଆଇଫୋନ୍ ୧୬ ସିରିଜ୍‌ର ମୂଲ୍ୟରେ ବେଶ୍ ହ୍ରାସ ପାଇଛି। ବିଶେଷ କରି ଆଇଫୋନ୍ ୧୬ ପ୍ରୋ ଉପରେ ଫ୍ଲିପକାର୍ଟ ବିଗ୍ ବିଲିୟନ ଡେ ସେଲ୍‌ରେ ଚମତ୍କାର ଅଫର୍ ଦେଇଛି।
ଆପଲ୍ ଆଇଫୋନ୍ ୧୬ ପ୍ରୋ ୨୦୨୪ରେ ୧,୧୯,୯୯୯ ଟଙ୍କାରେ ଲଞ୍ଚ ହୋଇଥିଲା, କିନ୍ତୁ ଏବେ ଫ୍ଲିପକାର୍ଟରେ ଏହା ୭୪,୯୦୦ ଟଙ୍କାରେ ଉପଲବ୍ଧ। ଏହା ସହିତ ବ୍ୟାଙ୍କ ଅଫର୍ ଓ କ୍ୟାସବ୍ୟାକ୍ ଡିଲ୍‌ଗୁଡ଼ିକ ମଧ୍ୟ ମିଳୁଛି, ଯାହା ଏହାକୁ ଆହୁରି ଶସ୍ତା କରୁଛି। ଏହି ଅଫର୍ ସେହି ସମସ୍ତ ଗ୍ରାହକଙ୍କ ପାଇଁ ଉପଯୁକ୍ତ ଯେଉଁମାନେ ଆପଲ୍‌ର ପ୍ରିମିୟମ୍ ସ୍ମାର୍ଟଫୋନ୍ କିଣିବାକୁ ଚାହୁଁଛନ୍ତି କିନ୍ତୁ ନୂଆ ଆଇଫୋନ୍ ୧୭ ସିରିଜ୍‌ର ମୂଲ୍ୟ ଦେବାକୁ ଚାହୁଁ ନାହାନ୍ତି।
ଆଇଫୋନ୍ ୧୬ ପ୍ରୋର ଫିଚର୍ସ ଓ ସ୍ପେସିଫିକେସନ୍
ଆଇଫୋନ୍ ୧୬ ପ୍ରୋରେ ୬.୩ ଇଞ୍ଚର ସୁପର ରେଟିନା XDR OLED ଡିସପ୍ଲେ ରହିଛି, ଯାହା ୧୨୦ ହର୍ଜର ProMotion ସହିତ ଆସୁଛି। ଏହା ଗ୍ରାହକଙ୍କୁ ମସୃଣ ଏବଂ ଉଚ୍ଚମାନର ଭିଜୁଆଲ୍ ଅଭିଜ୍ଞତା ପ୍ରଦାନ କରେ। ଫୋନ୍‌ରେ ଆପଲ୍‌ର ଶକ୍ତିଶାଳୀ A18 Pro ଚିପ୍ ରହିଛି, ଯେଉଁଥିରେ ୬-କୋର CPU, ୬-କୋର GPU ଏବଂ ୧୬-କୋର Neural Engine ସାମିଲ ଅଛି।

ଆଇଫୋନ୍ ୧୬ ପ୍ରୋରେ ୮ ଜିବି ରାମ୍ ଏବଂ ୧୨୮ ଜିବି, ୨୫୬ ଜିବି, ୫୧୨ ଜିବି ଏବଂ ୧ ଟିବିର ଷ୍ଟୋରେଜ୍ ଅପ୍ସନ୍ ଉପଲବ୍ଧ। ଏହାର ପ୍ରୋ କ୍ୟାମେରା ସିଷ୍ଟମ୍‌ରେ ୪୮ ମେଗାପିକ୍ସେଲର ପ୍ରାଇମେରୀ କ୍ୟାମେରା, ୪୮ ମେଗାପିକ୍ସେଲର ଅଲଟ୍ରା-ୱାଇଡ୍ କ୍ୟାମେରା ଏବଂ ୧୨ ମେଗାପିକ୍ସେଲର ଟେଲିଫୋଟୋ ଲେନ୍ସ ରହିଛି, ଯାହା ୫x ଅପ୍ଟିକାଲ୍ ଜୁମ୍ ସପୋର୍ଟ କରେ। ଏହି କ୍ୟାମେରା ସେଟଅପ୍ ସହିତ ଗ୍ରାହକମାନେ ଉଚ୍ଚମାନର ଫଟୋଗ୍ରାଫି ଓ ଭିଡିଓ ରେକର୍ଡିଂର ଅଭିଜ୍ଞତା ନେଇପାରିବେ।
ଉତ୍ସବ ଋତୁ ଅଫର୍ ଏବଂ ବିଗ୍ ବିଲିୟନ ଡେ ସେଲ୍ ସହିତ ଆଇଫୋନ୍ ୧୬ ପ୍ରୋ ଏବେ ଆପଲ୍‌ର ପ୍ରିମିୟମ୍ ସ୍ମାର୍ଟଫୋନ୍‌କୁ ଶସ୍ତାରେ କିଣିବାର ସୁଯୋଗ ଦେଉଛି। ଯଦି ଆପଣ ଆଇଫୋନ୍‌କୁ ଦୀର୍ଘ ସମୟ ପାଇଁ ବ୍ୟବହାର କରିବାକୁ ଚାହୁଁଛନ୍ତି ଏବଂ ଉଚ୍ଚମାନର ଫିଚର୍ସର ଅଭିଜ୍ଞତା ନେବାକୁ ଚାହୁଁଛନ୍ତି, ତେବେ ଏହି ଅଫର୍କୁ ହାତଛଡ଼ା କରନ୍ତୁ ନାହିଁ।