Latest Odisha News

BREAKING NEWS

ନିଟ୍ ପେପର୍ ଲିକ୍ ମାମଲାରେ ଆରମ୍ଭ ହେଲା କାର୍ଯ୍ୟାନୁଷ୍ଠାନ, ଗେଷ୍ଟ ହାଉସରେ ପୋଲିସ

ନୂଆଦିଲ୍ଲୀ: ନିକଟରେ ବିହାର ନିଟ୍ ପରୀକ୍ଷା ଲିକ୍ ମାମଲାରେ ଗେଷ୍ଟ ହାଉସ୍ କନେକ୍ସନ ସାମ୍ନାକୁ ଆସିଛି। ପାଟନାର ସରକାରୀ ଗେଷ୍ଟ ହାଉସରେ ପ୍ରଶ୍ନପତ୍ର ଲିକ୍ ର ଷଡଯନ୍ତ୍ର ହୋଇଥିବା ଅଭିଯୋଗ ହୋଇଛି। ପାଟନାର ଏନଏଚଏଆଇ ଗେଷ୍ଟ ହାଉସରେ ମନ୍ତ୍ରୀଙ୍କ ଲବି ସହ ଛାତ୍ରଛାତ୍ରୀଙ୍କୁ ଏକ ଗ୍ୟାଙ୍ଗ ଜରିଆରେ ଗେଷ୍ଟ ହାଉସରେ ରଖାଯାଇଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି।

ପୋଲିସ ଏବେ ଏହି ଗେଷ୍ଟ ହାଉସରେ ପହଂଚିଛି । ଅର୍ଥନୈତିକ ଅପରାଧ ୟୁନିଟ୍ ଟିମ୍ ପାଟନାର ସରକାରୀ ଗେଷ୍ଟ ହାଉସରୁ ମଧ୍ୟ ଅନେକ କାଗଜପତ୍ର ଜବତ କରିଛି। ମନ୍ତ୍ରୀଙ୍କ ଚିଠି ନମ୍ବର ୪୪୦ କୁ ମଧ୍ୟ ଜବତ କରାଯାଇଛି। ଅନ୍ୟପକ୍ଷରେ ଉପମୁଖ୍ୟମନ୍ତ୍ରୀ ବିଜୟ ସିହ୍ନା କହିଛନ୍ତି ଯେ ଏହି ମାମଲାରେ ଗିରଫ ହୋଇଥିବା ସମସ୍ତ ଅଭିଯୁକ୍ତଙ୍କ ଆରଜେଡି ନେତା ତେଜସ୍ୱୀ ଯାଦବଙ୍କ ସହ ସମ୍ପର୍କ ରହିଛି।

ପାଟନା ବିମାନବନ୍ଦର ସମ୍ମୁଖରେ ଥିବା ଏନଏଚଏଆଇ ଗେଷ୍ଟ ହାଉସରେ ଛାତ୍ରଛାତ୍ରୀଙ୍କ ରହିବା ପାଇଁ ବ୍ୟବସ୍ଥା କରାଯାଇଥିଲା। ଗେଷ୍ଟ ହାଉସରେ ଛାତ୍ରଛାତ୍ରୀଙ୍କ ରହିବା ପାଇଁ ଚିଠି ଜଣେ ମନ୍ତ୍ରୀ ଲେଖିଥିବା ଅଭିଯୋଗ ହୋଇଛି ଯାହାର ନମ୍ବର ୪୪୦। ଗେଷ୍ଟ ଏଣ୍ଟ୍ରି ରେଜିଷ୍ଟରରେ ମନ୍ତ୍ରୀଙ୍କ ପାଖରେ ଥିବା ବ୍ରାକେଟରେ ଛାତ୍ର ଅନୁରାଗ ଯାଦବଙ୍କ ନାମ ଲେଖାଯାଇଛି। ଏହି ଘଟଣାରେ ପୁଲିସ ଏହି ଗେଷ୍ଟ ହାଉସରେ ତାଙ୍କ ମା’ ଓ ଅନ୍ୟ କିଛି ପ୍ରାର୍ଥୀଙ୍କ ସହ ରହୁଥିବା ଛାତ୍ର ଅନୁରାଗଙ୍କୁ ଗିରଫ କରିଛି।

ଏନଏଚଏଆଇ ଗେଷ୍ଟ ହାଉସର ଗେଷ୍ଟ ଏଣ୍ଟ୍ରି ରେଜିଷ୍ଟରର ସେହି ପୃଷ୍ଠା ରହିଛି, ଯେଉଁଥିରେ ଅନୁରାଗ ଯାଦବଙ୍କ ପ୍ରବେଶ ମେ ୪ ତାରିଖ ଅପରାହ୍ନ ୧୨ଟା ୪୦ରେ ରେକର୍ଡ କରାଯାଇଛି।

ବିହାରର ଉପ ମୁଖ୍ଯମନ୍ତ୍ରୀ ବିଜୟ ସିହ୍ନାଙ୍କ ବୟାନ ମଧ୍ୟ ଏହି ଖୁଲାସା ଉପରେ ଆସିଛି । ଯେଉଁମାନେ ଅଭିଯୁକ୍ତମାନେ ତେଜସ୍ୱୀ ଯାଦବଙ୍କ ସହ ଜଡ଼ିତ ବୋଲି ସେ କହିଛନ୍ତି। ଯେଉଁମାନେ ଦୋଷୀ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଅପରାଧୀଙ୍କୁ ସୁରକ୍ଷା ଦେବା ଆରଜେଡିର ମାନସିକତା ବୋଲି ସେ ଅଭିଯୋଗ କରିଛନ୍ତି। ଗେଷ୍ଟ ହାଉସକୁ କିଏ ବ୍ୟବହାର କରୁଥିଲା ତାହା କହିବାକୁ ପଡ଼ିବ। ଅନ୍ୟପକ୍ଷରେ ପାଟନା ଗେଷ୍ଟ ହାଉସ୍ ମାମଲାରେ ଏନ୍ଏଚ୍ଏଆଇ ପକ୍ଷରୁ ମଧ୍ୟ ପ୍ରତିକ୍ରିୟା ପ୍ରକାଶ ପାଇଛି। ଏନ୍ଏଚ୍ଏଆଇ କହିଛି ଯେ ପାଟନାରେ ଆମର କୌଣସି ଗେଷ୍ଟ ହାଉସ୍ ନାହିଁ।

Leave A Reply

Your email address will not be published.