ନୂଆଦିଲ୍ଲୀ: ବଲିଉଡ ଅଭିନେତା ସୋନୁ ସୁଦ ଶୁକ୍ରବାର ଦିନ ଘୋଷଣା କରିଛନ୍ତି ଯେ ସେ ନିଯୁକ୍ତ ହେବାର ଏକ ବର୍ଷ ପରେ ପଞ୍ଜାବର ଷ୍ଟେଟ ଆଇକନରୁ ଇସ୍ତଫା ଦେବେ।
୨୦୨୦ରେ ମହାମାରୀ କରୋନା ସମୟରେ ଲୋକଙ୍କ ପ୍ରତି ନିଜର ଉଦାର ମନୋଭାବ ଯୋଗୁ ବେଶ୍ ପ୍ରଶଂସା ସାଉଁଟିଥିଲେ ସୋନୁ। ନିର୍ବାଚନ ବେଳେ ଲୋକଙ୍କ ମତାଧିକାର ହାରକୁ ବୃଦ୍ଧି କରିବା ପାଇଁ ନିର୍ବାଚନ ଆୟୋଗ ସୋନୁ ସୁଦଙ୍କୁ ଷ୍ଟେଟ ଆଇକନ ଭାବେ ନିଯୁକ୍ତି ଦେଇଥିଲେ। ୨୦୨୨ ଜାନୁଆରୀ ୪ ପରଠୁ ସୋନୁ ଆଉ ଏହି ପଦରେ ନାହାନ୍ତି।
ତାଙ୍କ ଭଉଣୀ ଚଳିତ ବର୍ଷ ପଞ୍ଜାବ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। ଏଥିପାଇଁ ସୋନୁ ଏପରି ପଦକ୍ଷେପ ନେଇଥିବା କୁହାଯାଉଛି।
Comments are closed.