ନୂଆଦିଲ୍ଲୀ:ବଲିଉଡ ଅଭିନେତ୍ରୀ ଅଦା ଶର୍ମାଙ୍କ ଫିଲ୍ମ ‘ଦ କେରଲା ଷ୍ଟୋରି’ ପୁରା ଦେଶରେ ଏବେ ଚର୍ଚ୍ଚାରେ ରହିଛି । ଏହି ଫଲ୍ମ ଗତ ସପ୍ତାହରେ ସିନେମା ହଲରେ ରିଲିଜ ହୋଇଥିଲା । ଫିଲ୍ମକୁ ଦର୍ଶକଙ୍କ ପ୍ରଶଂସା ବେଶ ସାଉଁଟିଛି ।
ଫିଲ୍ମରେ ଅଦା ଶର୍ମାଙ୍କ ଆକ୍ଟିଂକୁ ବି ବେଶ ପ୍ରଶଂସା ମିଳିଛି । ଅଦା ଶର୍ମାଙ୍କୁ ନେଇ ଏବେ ଚର୍ଚ୍ଚା ଜୋର ଧରିଛି । ‘ଦ କେରଲା ଷ୍ଟୋରି’ରେ ଅଦା ଶର୍ମା ଫାତିମା ଭୂମିକାରେ ଅଭିନୟ କରିଛନ୍ତି । ରିଲିଜ ହେବାର ୬ ଦିନ ପରେ ସୋସିଆଲ ମିଡିଆରେ ନିଜର ଏକ ଭିଡିଓ ସେୟାର କରିଛନ୍ତି ଏଇ ଅଭିନେତ୍ରୀ । ଏହି ଭିଡିଓକୁ ନେଇ ବି ଏବେ ବେଶ ଚର୍ଚ୍ଚା ।
ଅଦାଶର୍ମା ସୋସିଆଲ ମିଡିଆରେ ବେଶ ଆକ୍ଟିଭ । ସେ ତାଙ୍କ ଫ୍ୟାନ୍ସଙ୍କ ସହ ଯୋଡି ହୋଇ ରହିବା ପାଇଁ ଫଟୋ ଏବଂ ଭିଡିଓ ନିୟମିତ ସେୟାର କରିଥାନ୍ତି । ଅଦା ତାଙ୍କ ଇନଷ୍ଟାରେ ଏକ ଲାଟେଷ୍ଟ ଭିଡିଓ ସେୟାର କରିଛନ୍ତି । ଏହି ଭିଡିଓରେ ସେ ଶିବ ତାଣ୍ଡବ ଉଚ୍ଚାରଣ କରୁଥିବା ଦେଖିବାକୁ ମିଳିଛି ।
ଏଥିରେ ଦେଖିବାକୁ ମିଳିଛି, ଏକ ମନ୍ଦିରରେ ବସିଛନ୍ତି ଅଦା ଶର୍ମା । ଏକ ହଳଦୀ ରଙ୍ଗର ସୁଟ ସାଙ୍ଗକୁ ସଫେଦ ଦୁପଟ୍ଟାରେ ବେଶ ସୁନ୍ଦର ଦେଖା ଯାଉଛନ୍ତି । ଭିଡିଓରେ ଅଦା ଶିବ ତାଣ୍ଡବ ସ୍ତୋତ୍ର ବୋଲୁଥିବା ଦେଖିବାକୁ ମିଳିଛି । ଏହି ଭିଡିଓକୁ ସେୟାର କରି ଅଦା ଶର୍ମା କ୍ୟାପ୍ସନରେ ଲେଖିଛନ୍ତି, ‘ମୋ ଶକ୍ତିର ରହସ୍ୟ । ଏହି ଶକ୍ତି ଯିଏ ମୋତେ ଫୁଲତୋଡା ଗ୍ରହଣ କରିବାକୁ ତଥା ପ୍ରତିବନ୍ଧକକୁ ସାମ୍ନା କରିବାକୁ ଅନୁମତି ଦେଇଥାଏ । ମୋତେ ନିଜର କରିଥିବାରୁ ଆପଣମାନଙ୍କୁ ଧନ୍ୟବାଦ ।’
ଏଥିସହିତ ହ୍ୟାସ ଟ୍ୟାଗ ମାଧ୍ୟମରେ କହିଛନ୍ତି, ସେ ଶିବ ତାଣ୍ଡବ ସ୍ତୋତ୍ର ଉଚ୍ଚାରଣ କରୁଛନ୍ତି । ସୋସିଆଲ ମିଡିଆରେ ତାଙ୍କର ଏହି ଭିଡିଓ ଭାଇରାଲ ହୋଇଛି ।
View this post on Instagram
Comments are closed.