ମୁମ୍ବାଇ: ରିଲିଜ୍ ପୂର୍ବରୁ ‘ଆଦିପୁରୁଷ’ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଥିବା କ୍ରେଜ୍ ଆଉ ନାହିଁ । ଫିଲ୍ମ ‘ଆଦିପୁରୁଷ’ ରିଲିଜ୍ ପରେ ଦର୍ଶକ ବେଶ୍ ସମାଲୋଚନା କରୁଛନ୍ତି । କିଏ ଲୁକକୁ ନେଇ ତ ଆଉ କିଏ ଡାଇଲଗକୁ ନେଇ । ଜୋରଦାର ବିରୋଧ ଭିତରେ ‘ଆଦିପୁରୁଷ’ ଫିଲ୍ମ ନିର୍ମାତା ନେଇଛନ୍ତି ବଡ଼ ନିଷ୍ପତ୍ତି ।
ଫିଲ୍ମର ଡାଇଲଗ୍ ରାଇଟର ମନୋଜ ମୁନ୍ତଶିର ଟ୍ୱିଟ୍ କରି ଘୋଷଣା କରିଛନ୍ତି, ଏବେ ଫିଲ୍ମର ଡାଇଲଗ୍ ବଦଳି ଯିବ । ଦର୍ଶକଙ୍କ ଭାବନାକୁ ଆଘାତ ଦେଇଥିବା ଡାଇଲଗ୍ ପରିବର୍ତ୍ତନ କରାଯିବା ସହ ଆସନ୍ତା ସପ୍ତାହରେ ଫିଲ୍ମରେ ସାମିଲ୍ କରାଯିବ ବୋଲି ଫିଲ୍ମ ନିର୍ମାତାଙ୍କ ପକ୍ଷରୁ କୁହାଯାଇଛି ।
रामकथा से पहला पाठ जो कोई सीख सकता है, वो है हर भावना का सम्मान करना.
सही या ग़लत, समय के अनुसार बदल जाता है, भावना रह जाती है.
आदिपुरुष में 4000 से भी ज़्यादा पंक्तियों के संवाद मैंने लिखे, 5 पंक्तियों पर कुछ भावनाएँ आहत हुईं.
उन सैकड़ों पंक्तियों में जहाँ श्री राम का यशगान…— Manoj Muntashir Shukla (@manojmuntashir) June 18, 2023
ମନୋଜ ମୁନ୍ତଶିର ଆହୁରି କହିଛନ୍ତି, ମୁଁ ‘ଆଦିପୁରୁଷ’ ଫିଲ୍ମର ୪୦୦୦ରୁ ଅଧିକ ଧାଡ଼ିର ଡାଇଲଗ୍ ଲେଖିଛି । ଯେଉଁଥିରୁ ୫ଟି ଶବ୍ଦକୁ ନେଇ ଦର୍ଶକଙ୍କ ଭାବନା ଆଘାତ ହୋଇଛି । ଯେଉଁଥି ପାଇଁ ଡାଇଲଗ୍ ବଦଳାଇବାକୁ ନିଷ୍ପତ୍ତି ନିଆଯାଇଛି ।
ଫିଲ୍ମ ‘ଆଦିପୁରୁଷ’ ସବୁ ବର୍ଗର ଦର୍ଶକଙ୍କ ମନ ଜିଣିଥିବା ବେଳେ ଫିଲ୍ମର ଡାଇଲଗ୍ ପରିବର୍ତ୍ତନ କରିବାକୁ ଯାଉଛନ୍ତି ନିର୍ମାତା । ଏହା ପୂର୍ବରୁ ବି ଫିଲ୍ମର ଟିଜର ରିଲିଜ୍ ବେଳେ ଦର୍ଶକ ନାପସନ୍ଦ କରିଥିଲେ । ହେଲେ ଟ୍ରେଲର ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା । ଏବେ ଫିଲ୍ମ ରିଲିଜ୍ ପରେ ପୁଣି ଡାଇଲଗ୍ ପରିବର୍ତ୍ତନ ଭଳି ବଡ଼ ନିଷ୍ପତ୍ତି ନେଇଛନ୍ତି ‘ଆଦିପୁରୁଷ’ ନିର୍ମାତା ।
Comments are closed.