ଭୁବନେଶ୍ବର: ଓଡିଶା ପୋଲିସ ସବ-ଇନ୍ସପେକ୍ଟର ପରୀକ୍ଷା-୨୦୨୧ ଆସନ୍ତା ୨୬ ତାରିଖ ରବିବାର ଓଡିଶାର ସମସ୍ତ ଜିଲ୍ଲାରେ ଅନୁଷ୍ଠିତ ହେବ । ଉକ୍ତ ପରୀକ୍ଷା ନିମନ୍ତେ ଯୋଗ୍ୟ ପ୍ରାର୍ଥୀମାନେ ସେମାନଙ୍କ ପ୍ରବେଶ ପତ୍ର(ଆଡମିଟ୍ କାର୍ଡ) ଓଡ଼ିଶା ପୋଲିସ ୱେବସାଇଟ http://odishapolice.gov.in ରେ ରେ ଉପଲବ୍ଧ କରାଯାଇଛି । ପ୍ରାର୍ଥୀମାନେ ସେମାନଙ୍କ ପ୍ରବେଶ ପତ୍ର ସେଥିରୁ ଡାଉନ୍ଲୋଡ୍ କରିପାରିବେ ।
ପରୀକ୍ଷା ନିମନ୍ତେ ପୂର୍ବରୁ ଆବେଦନ କରିଥିବା ସମସ୍ତ ଯୋଗ୍ୟ ପ୍ରାର୍ଥୀମାନଙ୍କୁ ସେମାନଙ୍କର ପ୍ରବେଶ ପତ୍ର ଡାଉନଲୋଡ କରିବା ସମ୍ବଦ୍ଧୀୟ ସୂଚନା ଏସଏମଏସ ମାଧ୍ୟମରେ ପଞ୍ଜିକୃତ ମୋବାଇଲ ନମ୍ବର ଓ ଇ-ମେଲ୍ ମାଧ୍ୟମରେ ଜଣାଇଦିଆଯାଇଛି ।
ପ୍ରାର୍ଥୀମାନେ ଉପରୋକ୍ତ ଓ୍ବେବସାଇଟକୁ ଯାଇ କ୍ୟାଣ୍ଡିଡେଟ ଲଗଇନ କୁ କ୍ଲିକ୍ କରି ନିଜ ନିଜର ପ୍ରବେଶ ପତ୍ର ଡାଉନଲୋଡ କରିପାରିବେ । ଡାଉନଲୋଡ କରିବା ସମୟରେ କୌଣସି ଅସୁବିଧାର ସମ୍ମୁଖୀନ ହେଲେ ସେଥିରେ ଉଲ୍ଲେଖ ଥିବା ହେଲପଲାଇନ ନମ୍ବରରେ ଯୋଗାଯୋଗ କରିପାରିବେ ।
Comments are closed.