ମୁମ୍ବାଇ: ଦୀପାବଳିରେ ରିଲିଜ ହେବାକୁ ଯାଉଛି ‘ଭୁଲ ଭୁଲେୟା ୩’ ଓ ‘ସିଙ୍ଘମ ଏଗେନ୍’। ଏହି ଦୁଇଟି ଫିଲ୍ମର ଆଡଭାନ୍ସ ବୁକିଂ ମଧ୍ଯ ଆରମ୍ଭ ହୋଇଗଲାଣି।
ରୋହିତ ଶେଟ୍ଟୀଙ୍କ ‘ସିଙ୍ଘମ ଏଗେନ୍’କୁ ନେଇ ଫ୍ୟାନ୍ସଙ୍କ ମଧ୍ୟରେ ଖୁବ୍ ଉତ୍ସାହ ଭରି ରହିଛି। ଏହି ଚଳଚ୍ଚିତ୍ରରେ ଅଜୟ ଦେବଗନ୍ ପୁଣିଥରେ ବାଜିରାଓ ସିଙ୍ଘମ ଭୂମିକାରେ ନଜର ଆସିବେ।
ଏହି ଚଳଚ୍ଚିତ୍ରରେ କରୀନା କପୁର, ଦୀପିକା ପାଦୁକୋନ, ରଣବୀର ସିଂ, ଅକ୍ଷୟ କୁମାର, ଅର୍ଜୁନ କପୁର ଏବଂ ଟାଇଗର ଶ୍ରଫ ମଧ୍ୟ ପ୍ରମୁଖ ଭୂମିକାରେ ନଜର ଆସିବେ। ଫିଲ୍ମ ରିଲିଜ୍ ପୂର୍ବରୁ ବହୁ ମାତ୍ରାରେ ଆଡଭାନ୍ସ ବୁକିଂ ଚାଲିଛି।
ରିପୋର୍ଟ ଅନୁଯାୟୀ, ‘ସିଙ୍ଘମ ଏଗେନ୍’ର ଓପନିଂ ଡେ ପାଇଁ ଏପର୍ଯ୍ୟନ୍ତ ୪୨୨୬ ଶୋ ବୁକ୍ ହୋଇଛି। ‘ସିଙ୍ଘମ ଏଗେନ୍’ ଏପର୍ଯ୍ୟନ୍ତ ୮୩.୨୬ ଲକ୍ଷ ଟଙ୍କା ଆଡଭାନ୍ସ ବୁକିଂ କରିପାରିଛି।
ସେହିପରି ଅନିଜ୍ ବାଜମି ନିର୍ଦ୍ଦେଶିତ ‘ଭୁଲ ଭୁଲେୟା ୩’କୁ ମଧ୍ଯ ଦର୍ଶକଙ୍କ ଭଲ ରେସପୋନ୍ସ ମିଳିଛି। ଏଭଳି ସ୍ଥିତିରେ ଫିଲ୍ମର ଫାଷ୍ଟ ଡେ ପାଇଁ ପ୍ରି-ଟିକେଟ୍ ବିକ୍ରି ବହୁ ମାତ୍ରାରେ ଚାଲିଛି।
ରିପୋର୍ଟ ଅନୁଯାୟୀ, ‘ଭୁଲ ଭୁଲେୟା ୩’ର ୪୭୩୪ ଶୋ ବୁକ୍ ହୋଇସାରିଛି। ଏପର୍ଯ୍ୟନ୍ତ ଫିଲ୍ମର ୬୬ ହଜାର ୧୭୬ ଟିକେଟ୍ ବିକ୍ରି ହୋଇସାରିଛି। ଆହୁରି ମଧ୍ଯ ଫିଲ୍ମ ରିଲିଜ୍ ପୂର୍ବରୁ ୧.୮ କୋଟି ଟଙ୍କା ଆଡଭାନ୍ସ ବୁକିଂରେ ସଂଗ୍ରହ କରିପାରିଛି।