ଦେଓଘର ରୋପୱେ ଦୁର୍ଘଟଣା ପରେ ଚେତା ପଶିଲା, ଏସଓପି ପାଇଁ ରାଜ୍ୟକୁ ଚିଠି ଲେଖିଲେ କେନ୍ଦ୍ର ଗୃହ ସଚିବ

ଭୁବନେଶ୍ୱର: ଦେଓଘର ରୋପୱେ ଦୁର୍ଘଟଣା ପରେ ଚେତି ଗଲେ କେନ୍ଦ୍ର ସରକାର । ଗୃହ ସଚିବ ଏନେଇ ସମସ୍ତ ରାଜ୍ୟ କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ଶାସନ ସଚିବ ମାନଙ୍କୁ ଚିଠି ଲେଖି ଚିନ୍ତା ଜତାଇଛନ୍ତି । ରାଜ୍ୟରେ ଥିବା ବିଭିନ୍ନ ରୋପୱେ ଗୁଡ଼ିକର ତୁରନ୍ତ ସ୍ଥିତି ସମୀକ୍ଷା କରିବାକୁ ନିର୍ଦ୍ଦେଶ ଦେଇଛନ୍ତି ।

ରୋପୱେରେ ଚଳାଚଳ ଓ ପରିଚାଳନା ବିଆଇଏସ ଷ୍ଟାଣ୍ଡାର୍ଡର ଆବଶ୍ୟକ । ଯାହା ରାଜ୍ୟ ସରକାର ସୁନିଶ୍ଚିତ କରିବେ । ଏ ସମ୍ବନ୍ଧୀୟ ବିସ୍ତୃତ ଗାଇଡଲାଇନ ଜାତୀୟ ରାଜପଥ ଓ ଭିତ୍ତିଭୂମି ଠାରୁ ସଂଗ୍ରହ କରିବେ । ରୋପୱେର ସୁରକ୍ଷା ଯାଞ୍ଚ କରିବା ପାଇଁ ଏକ ଅଭିଜ୍ଞ ସଂସ୍ଥା ଦ୍ୱାରା ନିଶ୍ଚିତ କରିବେ ।

ରାଜ୍ୟ ସରକାର ପ୍ରତ୍ୟେକ ରୋପୱେ ପ୍ରକଳ୍ପ ପାଇଁ ନିର୍ଦ୍ଧିଷ୍ଟ ପରିଚାଳନା ନିୟମାବଳୀ ପ୍ରସ୍ତୁତ କରିବେ । ଉତ୍ତମ ଗୁଣବତ୍ତା ସୁନିଶ୍ଚିତ କରିବାକୁ ମଧ୍ୟ ଆଉ ଏକ ନିୟମାବଳୀ ରହିବ । ଏବଂ ସମସ୍ତ କାର୍ଯ୍ୟକ୍ରମର ଏକ ରେକର୍ଡ ରଖିବାକୁ ନିର୍ଦ୍ଦେଶ ଦେଇଛି ଗୃହ ମନ୍ତ୍ରାଳୟ ।

ଜରୁରୀ ପରିସ୍ଥିତି ମୁକାବିଲା କରିବା ପାଇଁ ରାଜ୍ୟ ସରକାର ଏସଓପି ପ୍ରସ୍ତୁତ କରିବେ । ମୁକାବିଲା ଯୋଜନା ତିଆରିର ହେବ । ଏବଂ ନିୟମିତ ବ୍ୟବଧାନରେ ମକ୍ ଡ୍ରିଲ କରିବାକୁ ଗୃହ ସଚିବ ନିର୍ଦ୍ଦେଶ ଦେଇଛନ୍ତି । ଏଥିସହ ଜଣେ ଉଚ୍ଚସ୍ତରୀୟ ଅଧିକାରୀ ଏଥିପାଇଁ ନିୟୋଜିତ କରିବେ ବୋଲି ଉଲ୍ଲେଖ ରହିଛି ।