କାବୁଲ : ଆଫଗାନିସ୍ତାନରେ ବଡ଼ ଧରଣର ଭୂକମ୍ପ ଅନୁଭୂତ ହୋଇଛି। ଫଳରେ ୨୮୦ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଘର ଭାଙ୍ଗିରୁଜି ନଷ୍ଟ ହୋଇଛି। ମୃତାହାତଙ୍କ ସଂଖ୍ୟା ଆହୁରି ବଢ଼ିପାରେ ବୋଲି ଆଶଙ୍କା କରାଯାଉଛି। ପ୍ରାକ୍ଟିକା ପ୍ରଦେଶର ୪ଟି ଜିଲ୍ଲାରେ ମଙ୍ଗଳବାର ଭୂକମ୍ପ ଅନୁଭୂତ ହୋଇଥିଲା। ପାକିସ୍ତାନ ସୀମା ନିକଟସ୍ଥ ପ୍ରାକ୍ଟିକା ପ୍ରଦେଶ ଫୁଟେଜରୁ ଭୂକମ୍ପଜନିତ ଧନଜୀବନ କ୍ଷୟକ୍ଷତି ନେଇ ଜଣାପଡ଼ିଛି। ଘଟଣାସ୍ଥଳରେ ହେଲିକପ୍ଟର ଯୋଗେ ଉଦ୍ଧାର କାର୍ଯ୍ୟ ଜାରି ରହିଥିବା ନେଇ ସ୍ଥାନୀୟ ଗଣମାଧ୍ୟମ ପକ୍ଷରୁ ସ୍ପଷ୍ଟ ହୋଇଛି। ଭୂକମ୍ପର ତିବ୍ରତା ରିକ୍ଟର ସ୍କେଲରେ ୬.୧ ଥିବା ସୂଚନା ମିଳିଛି। ପାକିସ୍ତାନ ପାଣିପାଗ ବିଭାଗ ଅନୁଯାୟୀ ଭୂକମ୍ପର କେନ୍ଦ୍ରସ୍ଥଳ ଆଫଗାନିସ୍ତାନ ସ୍ଥିତ ଖୋଷ୍ଟ ସିଟି ଠାରୁ ୪୪ କି.ମି ଦୂର ଏବଂ ଏହାର ଗଭୀରତା ୫୦.୮ କି.ମି. ଥିଲା। ସ୍ଥାନୀୟ ସମୟ ଅନୁସାରେ ସଠିକ ରାତି ଘ୧.୫୪ ମିନିଟରେ ଭୂକମ୍ପ ଅନୁଭୂତ ହୋଇଥିଲା।
Comments are closed.