ନୂଆଦିଲ୍ଲୀ: ଆଫଗାନିସ୍ତାନର ଅର୍ଥ ବ୍ୟବସ୍ଥା ଏବଂ ସମାଜ ସମ୍ପୂର୍ଣ୍ଣ ନଷ୍ଟ ହୋଇପାରେ। ଯଦି ଆଫଗାନିସ୍ତାନ ଅର୍ଥ ବ୍ୟବସ୍ଥାରେ ପୁଞ୍ଜି ବିନିଯୋଗ ନ କରାଯାଏ ତେବେ ଦେଶର ଲକ୍ଷ ଲକ୍ଷ ଲୋକ ଦାରିଦ୍ର ତଥା କ୍ଷୁଧା ମଧ୍ୟରେ ଫସି ରହିପାରନ୍ତି।
ଏ ନେଇ ଜାତିସଂଘର ସ୍ୱତନ୍ତ୍ର କୂଟନୀତିଜ୍ଞ ଦେବରାହ ଲିଓନ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ବିଶ୍ୱ ଏକତ୍ରିତ ହୋଇ ଆଫଗାନିସ୍ତାନର ପତନ ହୋଇଥିବା ଅର୍ଥନୀତିକୁ ପରିଚାଳନା କରିବାକୁ ଚେଷ୍ଟା କରିବା ଉଚିତ। ଏହା ବ୍ୟତୀତ ତାଲିବାନର ଅଧିଗ୍ରହଣ ଆଫଗାନିସ୍ତାନର ପଡୋଶୀ ଦେଶ ଉପରେ ମଧ୍ୟ ପ୍ରଭାବ ପକାଇବ ବୋଲି ଭୟ ଦୂର ହେବା ଉଚିତ୍। ଜାତିସଂଘର କୂଟନୀତିଜ୍ଞ କହିଛନ୍ତି ଯେ ଆଫଗାନିସ୍ତାନରେ ସୃଷ୍ଟି ହୋଇଥିବା ମାନବିକ ସଙ୍କଟର ସମାଧାନ ପାଇଁ ଉଦ୍ୟମ କରାଯିବା ଉଚିତ।
ସେ କହିଛନ୍ତି ଯେ ଏହା ବ୍ୟତୀତ ଆଫଗାନିସ୍ତାନ ସାମ୍ନାରେ ଆଉ ଏକ ସଙ୍କଟ ଠିଆ ହୋଇଛି କାରଣ କୋଟି କୋଟି ଡଲାରର ଆଫଗାନିସ୍ତାନର ସମ୍ପତ୍ତି ଫ୍ରିଜ୍ ହୋଇ ରହିଛି। ସେ କହିଛନ୍ତି ଯେ ସମ୍ପତ୍ତି ଫ୍ରିଜ୍ ହେବା ଅର୍ଥନୀତିକୁ ନଷ୍ଟ କରିଦେବ ଏବଂ ଏହା ଲକ୍ଷ ଲକ୍ଷ ଲୋକଙ୍କୁ ଦାରିଦ୍ର ତଥା ଭୋକର ସଙ୍କଟରେ ପକାଇବ। ଆଫଗାନିସ୍ତାନ ପିଢି ପରେ ପିଢି ଏହି ସମସ୍ୟାର ସମ୍ମୁଖୀନ ହେବେ।