ଆଫଗାନିସ୍ତାନ: ଆଫଗାନିସ୍ତାନରେ ପ୍ରବଳ ତୁଷାରପାତ ଜାରି ରହିଛି । ଆଫଗାନିସ୍ତାନରେ ଗତ ୨୦ ଦିନ ମଧ୍ୟରେ ପ୍ରବଳ ତୁଷାରପାତ ଲାଗି ରହିବା ଫଳରେ ୪୨ ଲୋକଙ୍କ ଜୀବନ ଚାଲିଯାଇଥିବା ବେଳେ ୭୨ ଜଣ ଲୋକ ଆହତ ହୋଇଛନ୍ତି । ଏନେଇ ବିପର୍ଯ୍ୟୟ ପରିଚାଳନା ମନ୍ତ୍ରାଳୟ ପକ୍ଷରୁ ସୂଚନା ମିଳିଛି ।
ଏଭଳି ଥଣ୍ଡା ସହ ତୁଷାରପାତ ଲାଗି ରହିବା ଫଳରେ ଅନେକ ଜୀବନ ସହ ଧନ ସମ୍ପତ୍ତି ନଷ୍ଟ ହୋଇଛି ।ପ୍ରବଳ ତୁଷାରପାତ ଯୋଗୁଁ ଅନେକ ଘର ମଧ୍ୟ ନଷ୍ଟ ହୋଇଯାଇଛି । ସେପଟେ ବିପର୍ଯ୍ୟୟ ପରିଚାଳନା ମନ୍ତ୍ରାଳୟର ଡେପୁଟି ଅଫିସର ଏନାୟତୁଲ୍ଲା ସୁଜା କହିଛନ୍ତି । ଏଭଳି ପାଗ ଲାଗି ରହିବା ଫଳରେ ଶହ ଶହ ଲୋକ ରାସ୍ତାରେ ଫସି ରହିଛନ୍ତି । ଅନେକଙ୍କୁ ବିପଦ ସଙ୍କୁଳ ଅବସ୍ଥାରେ ରାଜପଥ ଉପରୁ ଉଦ୍ଧାର କରାଯାଇଛି।
ଆଗକୁ ମଧ୍ୟ ମୃତ୍ୟୁ ସଂଖ୍ୟା ଆହୁରି ମଧ୍ୟ ବଢିପାରେ ବୋଲି ସୁଜା କହିଛନ୍ତି । ରାସ୍ତା ଘାଟରେ ଗାଡି ମଟର ଚଳାଚଳ ମଧ୍ୟ ବନ୍ଦ ରହିଛି । ତୁଷାରପାତରେ ପ୍ରଭାବିତ ଲୋକଙ୍କୁ ଜରୁରୀ କାଳିନୀ ସହାୟତା ଯୋଗାଇଦେବା ପାଇଁ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି ।
Comments are closed.