ଜି୭ ଶିଖର ସମ୍ମିଳନୀରେ ଭାଗଦେଇ ଜର୍ମାନିରୁ ଫେରିଛନ୍ତି ପ୍ରଧାନମନ୍ତ୍ରୀ ମୋଦି । ଜର୍ମାନୀ ଛାଡିବା ବେଳେ ଟୁଇଟ କରି କହିଛନ୍ତି ଯେ ଜି-7 ବୈଠକ ବେଶ ଫଳପ୍ରଦ ହୋଇଛି ।
ସମ୍ମିଳନୀରେ ବିଶ୍ବ ର ଅନେକ ନେତାଙ୍କ ସହ ଯୋଗାଯୋଗ କରିଥିଲେ ମୋଦି । ମୋଦି ଲେଖିଛନ୍ତି ମ୍ୟୁନିଚରେ ଏକ ସ୍ମରଣୀୟ ସଭାରେ ଭାଗ ନେବା ସହ ପୃଥିବୀ ର ସୁସ୍ଥତା ଏବଂ ସମୃଦ୍ଧତାକୁ ଲକ୍ଷ୍ୟ କରି ଆମେ ଅନେକ ପ୍ରସଙ୍ଗ ଉପରେ ଆଲୋଚନା କରିବାକୁ ସମର୍ଥ ହେଲୁ । ଭ୍ରମଣ ସମୟରେ ଆତିଥ୍ୟ ପାଇଁ ମୁଁ ଜର୍ମାନୀବାସୀ ଏବଂ ଜର୍ମାନ ସରକାରଙ୍କୁ ଧନ୍ୟବାଦ ଦେଉଛି । ମୁଁ ନିଶ୍ଚିତ ଯେ ଭାରତ-ଜର୍ମାନୀ ବନ୍ଧୁତା ଭବିଷ୍ୟତରେ ନୂତନ ଉଚ୍ଚତା ଛୁଇଁବ ।
Leaving Germany after a productive visit in which I attended the @G7 Summit, interacted with several world leaders and participated in a memorable community programme in Munich. We were able to discuss many issues aimed at furthering global well-being and prosperity. pic.twitter.com/jZAMOj4SOo
— Narendra Modi (@narendramodi) June 28, 2022
ଶିଖର ସମ୍ମିଳନୀର ଅଧିବେଶନ କାଳରେ ପରିବେଶ, ଶକ୍ତି, ଜଳବାୟୁ, ଖାଦ୍ୟ ସୁରକ୍ଷା, ସ୍ୱାସ୍ଥ୍ୟ, ଆତଙ୍କବାଦ ନିରୋଧ, ଲିଙ୍ଗଗତ ସମାନତା ଓ ଗଣତନ୍ତ୍ର ଉପରେ ମତ ବିନିମୟ କରିଥିଲେ ମୋଦି । ଏହା ସହ ଜି-୭ ଅଂଶଗ୍ରହଣକାରୀ ଦେଶ ଓ ଅତିଥି ଦେଶ ନେତୃବୃନ୍ଦଙ୍କ ସହ ଆଲୋଚନା କରିଥିଲେ ମୋଦି ।
ଜର୍ମାନୀ ଗସ୍ତ କାଳରେ ୟୁରୋପର ବିଭିନ୍ନ ଦେଶରେ ରହୁଥିବା ପ୍ରବାସୀ ଭାରତୀୟମାନଙ୍କ ସହ ସାକ୍ଷାତ କରି ଭାଷଣ ଦେଇଥିଲେ ମୋଦି ।
ଭାରତ ଫେରିବା ବାଟରେ ୟୁଏଇ ରାଜଧାନୀ ଆବୁଧାବିରେ ଅଳ୍ପ ସମୟ ପାଇଁ ଆଜି ରହିବେ ପ୍ରଧାନମନ୍ତ୍ରୀ ମୋଦି । ସେଠାରେ ଅଟକି ୟୁଏଇ ରାଷ୍ଟ୍ରପତି ତଥା ଆବୁଧାବିର ଶାସକ ମହାମହିମ ଶେଖ ମହମ୍ମଦବିନ ଜାୟେଦ ଆଲ ନାହ୍ୟାନଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଏହା ସହ ୟୁଏଇର ପୂର୍ବତନ ରାଷ୍ଟ୍ରପତି ତଥା ଆବୁଧାବିର ଶାସକ ଶେଖ ଖାଲିଫାବିନ ଜାୟେଦ ଆଲ ନାହ୍ୟାନଙ୍କ ଶୋକ ସନ୍ଦେଶ ବ୍ୟକ୍ତିଗତ ଭାବେ ଜଣାଇବେ ମୋଦି ।
#WATCH | Prime Minister Narendra Modi departs for UAE after attending the G7 Summit in Germany
PM Modi will pay his condolences on the passing away of Sheikh Khalifa bin Zayed Al Nahyan, former UAE President & Abu Dhabi Ruler.
(Source: DD) pic.twitter.com/kn2HewB7Dy
— ANI (@ANI) June 28, 2022
ଏଠାରେ ସୂଚନାଯୋଗ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏବେ ୟୁଏଇରେ ଅଛନ୍ତି । ତେବେ ପ୍ରଧାନମନ୍ତ୍ରୀଙ୍କ ସହ ତାଙ୍କର ଦେଖା ସାକ୍ଷତ ହେବ କି ନାହିଁ ତାହା ଜଣାପଡିନାହିଁ ।