ଉଦ୍ଧବ ଠାକରେଙ୍କୁ ଝଟକା ପରେ ଝଟକା ଦେଉଛନ୍ତି ସିନ୍ଦେ

ମୁମ୍ବାଇ: ଉଦ୍ଧବ ଠାକରେ ଗୋଷ୍ଠୀଙ୍କ ଦ୍ୱାରା ନେତୃତ୍ୱାଧୀନ ଶିବସେନାକୁ ଆଉ ଏକ ଝଟକା ଦେଇଛି ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱାଧୀନ ଶିବସେନା । ଥାନେ ପରେ ଏବେ ନବି ମୁମ୍ବାଇର 32 ଶିବସେନା କାଉନସିଲର ଏକନାଥ ସିନ୍ଦେଙ୍କୁ ସମର୍ଥନ କରିବେ ବୋଲି ପ୍ରତିଶୃତି ଦେଇଛନ୍ତି। ଥାନେ ମ୍ୟୁନିସିପାଲ କର୍ପୋରେସନ 67 ଜଣ ପୂର୍ବତନ କାଉନସିଲରଙ୍କ ମଧ୍ୟରୁ 66 ଜଣ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱକୁ ସମର୍ଥନ କରିଥିଲେ। ତେଣୁ ନିକଟରେ ହେବାକୁ ଥିବା ବିଏମସି ନିର୍ବାଚନରେ ​​ଉଦ୍ଧବ ଠାକରେଙ୍କ ଗୋଷ୍ଠୀ ଅଡୁଆରେ ସମ୍ମୁଖୀନ ହୋଇପାରନ୍ତି।

ସୂଚନାଯୋଗ୍ୟ ଯେ 131 ସଦସ୍ୟ ବିଶିଷ୍ଟ ଥାନେ ମ୍ୟୁନିସିପାଲ କର୍ପୋରେସନର କାର୍ଯ୍ୟକାଳ ଶେଷ ହୋଇ ସାରିଛି । ଏବଂ ଏବେ ନିର୍ବାଚନ ହେବାକୁ ଯାଉଛି। ଏହି ମ୍ୟୁନିସିପାଲିଟି କର୍ପୋରେସନ୍ ଶିବସେନାର ଏକ ଗଡ଼ ଭାବରେ ପରିଗଣିତ। ସିନ୍ଦେଙ୍କ କାର୍ଯ୍ୟାଳୟ ପକ୍ଷରୁ ଜାରି ହୋଇଥିବା ବିବୃତ୍ତିରେ କୁହାଯାଇଛି ଯେ ପୂର୍ବତନ ମେୟର ନରେଶ ମହାସକେଙ୍କ ନେତୃତ୍ୱରେ 66 ଜଣ ପୂର୍ବତନ ଶିବସେନା ପରିଷଦ ବୁଧବାର ରାତିରେ ତାଙ୍କ ମୁମ୍ବାଇ ନିବାସ ‘ନନ୍ଦନବନ’ ବଙ୍ଗଳା ଠାରେ ସିନ୍ଦେଙ୍କୁ ଭେଟି ସମର୍ଥନ କରିଥିଲେ।

ଏକନାଥ ସିନ୍ଦେ ଗତ ମାସରେ ଶିବସେନା ବିରୁଦ୍ଧରେ ବିଦ୍ରୋହ କରିଥିଲେ। ତାଙ୍କ ସହ ଅଧିକାଂଶ ଶିବସେନା ବିଧାୟକ ମଧ୍ୟ ଦଳ ବିରୁଦ୍ଧରେ ବିଦ୍ରୋହ କରିଥିଲେ । ଯେଉଁଥିପାଇଁ ଉଦ୍ଧବ ଠାକରେଙ୍କ ନେତୃତ୍ୱରେ ମହା ବିକାଶ ଅଘାଡି (ଏମଭିଏ) ସରକାର ଭାଙ୍ଗିଯାଇଥୁଲା। ଶିବସେନା ବ୍ୟତୀତ ଏନସିପି ଏବଂ କଂଗ୍ରେସ ମଧ୍ୟ ଏହି ମେଣ୍ଟ ସରକାରରେ ଥିଲେ। ଜୁନ୍ 30ରେ ସିନ୍ଦେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିବାବେଳେ ବରିଷ୍ଠ ବିଜେପି ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ।