ବିଜୟୱାଡା: ଦୋହାରୁ ପ୍ରାୟ ୬୪ ଜଣ ଯାତ୍ରୀଙ୍କୁ ନେଇ ଯାତ୍ରା କରୁଥିବା ଏୟାର ଇଣ୍ଡିଆ ଏକ୍ସପ୍ରେସ ବିମାନ ଶନିବାର ଦିନ ବିଜୟୱାଡା ଅନ୍ତର୍ଜାତୀୟ ବିମାନବନ୍ଦରରେ ଦୁର୍ଘଟଣାଗ୍ରସ୍ତ ହୋଇଛି।
ସୂଚନା ଅନୁଯାୟୀ ଏୟାରପୋର୍ଟରେ ଅବତରଣ ବେଳେ କାରଣରୁ ନିୟନ୍ତ୍ରଣ ହରାଇ ଏକ ପୋଲ୍ କୁ ଧକ୍କା ଦେଇଥିଲା। ଏହି ଘଟଣାରେ କୌଣସି ଯାତ୍ରୀ ଆହତ ହୋଇନଥିବା ଜଣାପଡିଛି।
ଶନିବାର ସନ୍ଧ୍ୟା ପ୍ରାୟ ୫ ଟା ସମୟରେ ଏହି ଅଘଟଣ ଘଟିଥିଲା। ରନୱେରେ ଅବତରଣ କଲାବେଳେ ବିମାନର ପଙ୍ଖ ପାର୍କିଂ ନିକଟ ରନୱେରେ ଥିବା ହାଇ ବିମ୍ ଲ୍ୟାମ୍ପ ପୋଷ୍ଟ ସହ ଧକ୍କା ହୋଇଥିଲା।
ବିମାନବନ୍ଦର କର୍ତ୍ତୃପକ୍ଷଙ୍କ ସୂଚନା ଅନୁଯାୟୀ, ଏୟାର ଇଣ୍ଡିଆ ଏକ୍ସପ୍ରେସ ସେବା ନମ୍ବର ଓଢ୧୬୭୬ ଦୋହା-ବିଜୟୱାଡା-ତିରୁଚିରାପଲ୍ଲୀ, ୬୪ ଜଣ ଯାତ୍ରୀଙ୍କୁ ନେଇ ବିଜୟୱାଡା ଏୟାରପୋର୍ଟରେ ଅବତରଣ କରିଥିଲା।
ଏହି ସମୟରେ ବିମାନଟି ଏକ ଉଚ୍ଚ ବିମ୍ ଲ୍ୟାମ୍ପ ପୋଷ୍ଟକୁ ଧକ୍କା ଦେଲା ବେଳେ ପାଇଲଟ ତୁରନ୍ତ ବିମାନର ଇଞ୍ଜିନ ବନ୍ଦ କରିଦେଇଥିଲେ। ଯାହା ଫଳରେ ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଥିଲେ ସମସ୍ତେ।