ନୂଆଦିଲ୍ଲୀ: ୟୁକ୍ରେନରେ ଯୁଦ୍ଧ ଘନଘଟା ଭିତରେ ଫସିଛନ୍ତି ବହୁ ଭାରତୀୟ । ସେମାନଙ୍କୁ ସୁରକ୍ଷିତ ଭାବରେ ଉଦ୍ଧାର କରି ସ୍ୱଦେଶ ଫେରାଇ ଆଣିବାକୁ କେନ୍ଦ୍ର ସରକାର ପଦକ୍ଷେପ ନେଇଛନ୍ତି । ଭାରତୀୟଙ୍କୁ ରୋମାନିଆ ଓ ହଙ୍ଗେରୀ ଦେଇ ଫେରାଇ ଅଣାଯିବ । ଏଥିପାଇଁ ରୋମାନିଆ ରାଜଧାନୀ ବୁଖାରେଷ୍ଟ ଓ ହଙ୍ଗେରୀ ରାଜଧାନୀ ବୁଡାପେଷ୍ଟ ଅଭିମୁଖେ ଉଡ଼ାଣ ଭରିଛି ।
ମୁମ୍ବାଇ ବିମାନବନ୍ଦରରୁ ଏୟାର ଇଣ୍ଡିଆ ବିମାନ ଆଜି ଭୋଟ୍ ୩ଟା ୪୦ ମିନିଟରେ ଉଡ଼ାଣ ଭରିଛି । ଏହି ବିମାନ ଭାରତୀୟ ସମୟ ୧୦ଟା ବେଳେ ବୁଖାରେଷ୍ଟ ବିମାନବନ୍ଦରରେ ଅବତରଣ କରିଛି । । ଯେଉଁମାନେ ସଡ଼କ ପଥରେ ୟୁକ୍ରେନ୍-ରୋମାନିଆ ସୀମାରେ ପହଞ୍ଚି ସାରିଛନ୍ତି ସେମାନଙ୍କୁ ଭାରତୀୟ ଅଧିକାରୀ ବୁଖାରେଷ୍ଟ ନେଇଯିବେ ।
ୟୁକ୍ରେନରେ ପାଖାପାଖି ୨୦ ହଜାର ଭାରତୀୟ ଫସିଛନ୍ତି । ସେମାନଙ୍କ ଭିତରେ ଅଧିକାଂଶ ଛାତ୍ରଛାତ୍ରୀ । ସେଠାରେ ମେଡିକାଲ୍ ପଢୁଥିଲେ । ସେମାନଙ୍କୁ କିଭଳି ସୁରକ୍ଷିତ ଭାବରେ ସ୍ୱଦେଶ ଅଣାଯିବ ସେନେଇ ୟୁକ୍ରେନ୍ ସ୍ଥିତ ଭାରତୀୟ ଦୂତାବାସ ସହ ଯୋଗାଯୋଗ ରକ୍ଷା କରି କାମ ଚାଲିଛି ।
Comments are closed.