ହାଇଦ୍ରାବାଦ:ବିମାନବନ୍ଦରରେ ଓହ୍ଲାଇଲା ବିଶ୍ୱର ସବୁଠାରୁ ବଡ କାର୍ଗୋ ବିମାନ ବେଲୁଗା । ମଙ୍ଗଳାବର ହାଇଦ୍ରାବାଦ ରାଜୀବ ଗାନ୍ଧୀ ଅର୍ନ୍ତଜାତୀୟ ବିମାନବନ୍ଦରରେ ଓହ୍ଲାଇଛି ଏହି କାର୍ଗୋ ବିମାନ ।
ଏୟାରବସ୍ ବେଲୁଗା ଏଭଳି ଏକ କାର୍ଗୋ ବିମାନ ଯାହା ଦେଖିବାକୁ ଏକ ବଡ ହ୍ୱିଲ ମାଛ ପରି । ବେଲୁଗା ଏକ ରଷିଆାନ ଶବ୍ଦ ଯାହାର ଅର୍ଥ ହେଉଛି ହ୍ୱିଲ । ରୁଷ ସେନା ୧୯୯୫ ମସିହାରେ ଏହାକୁ ନିର୍ମାଣ କରିଥିଲା । ଏହି ବିମାନ ୪୦ହଜାର ଟନ ଜିନିଷ ବୋହିବାର କ୍ଷମତା ରଖିଛି । ସେତିକି ନୁହେଁ, ୨ହଜାର ୭୭୯ କିଲୋମିଟର ପର୍ଯ୍ୟନ୍ତ ଏହା ଯାତ୍ରା କରିପାରେ । ଏଥିରେ ୧୪୭ ଫୁଟର ଦୁଇଟି ୱିଣ୍ଡୋ ରହିଛି । ଏହାର ଉଚ୍ଚତା ୫୬ଫୁଟ ଅଟେ ଏବଂ ଓଜନ ୮୬ହଜାର ୫ଶହ କିଲୋଗ୍ରାମ ଅଟେ ।
ଏହା ଏକମାତ୍ର ଟୁଇନ ଇଞ୍ଜିନ ୱାଇଡବର୍ଡି ଜେଟ୍ ଏୟାରଲାଇନର ଅଟେ । ଏହି ବିମାନରେ ଆମେରିକାର କେନେଡି ସ୍ପେସ୍ ସେଣ୍ଟରକୁ ସାଟେଲାଇଟ୍ ବୁହା ହୋଇ ପଠାଯାଇଥିଲା । କେବଳ ଏହି କାର୍ଗୋ ବିମାନ ଦ୍ୱାରା ହିଁ ସାଟେଲାଇଟକୁ ଗୋଟିଏ ସ୍ଥାନରୁ ଅନ୍ୟସ୍ଥାନକୁ ନିଆଯିବା ସମ୍ଭବ ।
ଏହା ପୂର୍ବରୁ ଦୁନିଆର ସବୁଠୁ ବଡ କାର୍ଗୋ ବିମାନର ନାଁ ଥିଲା ଆଣ୍ଟୋନଭ ଏନ-୨୨୫ ମିରିଆ ଯାହା ରୁଷ-ୟୁକ୍ରେନ ଯୁଦ୍ଧ ସମୟରେ ଏହା ଧ୍ୱଂସ ପାଇଥିଲା । ଏହା ପୂର୍ବରୁ ବେଲୁଗା ନଭେମ୍ବର ୨୦ ତାରିଖ କାେଲକାତା ବିମାନ ବନ୍ଦରରେ ପ୍ରଥମ ଥର ପାଇଁ ଦେଖିବାକୁ ମିଳିଥିଲା । ତା ପରେ ୨ୟ ଥର ପାଇଁ ଛତ୍ରପତି ଶିବାଜୀ ମହାରାଜ ଇଣ୍ଟରନାଶନାଲ ଏୟାରପୋର୍ଟରେ ନଭେମ୍ବର ୨୨ରେ ଦେଖିବାକୁ ମିଳିଥିଲା ।
A wonder in the sky, a head-turner on the runway. Marvel at the majestic Airbus Beluga that has recently landed on equally majestic #HYDAirport.#FlyHYD #AirbusBeluga #Aircraft@Airbus @AAI_Official @MoCA_GoI pic.twitter.com/c5NEWKZlsl
— RGIA Hyderabad (@RGIAHyd) December 5, 2022
Comments are closed.