କରାଚୀ: ପାକିସ୍ତାନର ପୂର୍ବତନ ପେସ ବୋଲର ସୋଏବ ଅଖତାର କ୍ରିକେଟକୁ ନେଇ ଆଜି ୧୬ ବର୍ଷ ତଳର ଏକ ଚାଂଚଲ୍ୟକର ଖୁଲାସା କରିଛନ୍ତି । ସେ କହିଛନ୍ତି ଭାରତର ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ୨୦୦୬ କରାଚୀ ଟେଷ୍ଟରେ ମୁଁ ଆଉଟ କରିବା ବଦଳରେ ଆହତ କରିବାକୁ ଚାହୁଁଥିଲି । ସେଥିପାଇଁ ବାରମ୍ବାର ତାଙ୍କୁ ବାଉନ୍ସର ମାରୁଥିଲି । ଅଧିନାୟକ ଇଞ୍ଜାମାମ ଉଲ ହକ ୱିକେଟ ଉପରେ ବଲ ପକାଇବାକୁ କହୁଥିଲେ ମଧ୍ୟ ମୁଁ ଶୁଣୁ ନ ଥିଲି । ବୋଧହୁଏ ମୋ ମତିଭ୍ରମ ହୋଇ ଯାଇଥିଲା ବୋଲି ସେ ଏକ ୱେବସାଇଟକୁ ସାକ୍ଷାତ ଦେବା ଅବସରରେ ଏହା କହିଛନ୍ତି । ଏହି ମ୍ୟାଚରେ ସଚିନ ୱିକେଟ ଏବଂ ଶରୀର ବଂଚାଇବାରେ ସଫଳ ହୋଇଥିଲେ ।
ଅବଶ୍ୟ ଏହାର ଫାଇଦା ଅବଦୁଲ ରଜାକ ଓ ମହମ୍ମଦ ଆସିଫଙ୍କୁ ମିଳିଥିଲା । ସେମାନେ ସହଜରେ ସଚିନଙ୍କ ୱିକେଟ ଅକ୍ତିଆର କରିଥିଲେ । ଏହା ପୂର୍ବରୁ ଅନ୍ୟ ଏକ ସାକ୍ଷାତକାରରେ ଅସିଫ କହିଥିଲେ ସୋଏବଙ୍କ ବାଉନ୍ସର ସାମ୍ନା କଲାବେଳେ ସଚିନଙ୍କ ଆଖି ମୁଜି ହୋଇ ଯାଉଥିଲା ।
Comments are closed.