ବଲିଉଡରେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇ ଦାମୀ ହିରୋଇନ ଲିଷ୍ଟରେ ଆଲିଆ ଭଟ୍ଟଙ୍କ ନାଁ

ମୁମ୍ବାଇ : ବଲିଉଡରେ ବେଶ୍ ଚର୍ଚ୍ଚା ହେଉଛି ଅଭିନେତ୍ରୀ ଆଲିଆ ଭଟ୍ଟଙ୍କ ନାଁ । ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇ ଫ୍ୟାନ ମାନଙ୍କ ପ୍ରଶଂସା ସାଉଁଟୁଛନ୍ତି ଆଲିଆ । ଫିଲ୍ମ ”ଗଙ୍ଗୁବାଇ କାଠିଆୱାଡି” ପରେ ”ଆରଆରଆର” ବି ହିଟ୍ । ଏବେ ବିଲିଉଡର ସବୁଠାରୁ ଦାମୀ ହିରୋଇନ ବନିଯାଇଛନ୍ତି ଅଭିନେତ୍ରୀ ଆଲିଆ ଭଟ୍ଟ । ଆଲିଆଙ୍କ ଦବଦବା ଏବେ ବଢିବାରେ ଲାଗିଛି ।

ସେ ଏବେ ହାଇଏଷ୍ଟ ପେଡ୍ ଆକ୍ଟ୍ରିସ୍ ବନିଯାଇଛନ୍ତି ବୋଲି ଶୁଣିବାକୁ ମିଳିଛି ।ଆଲିଆ ଦୀପିକା ପାଦକୋନ୍ , ଶାହାରୁଖ୍ ଖାନ ଓ ସଲମାନ ଖାନଙ୍କୁ ପଛରେ ପକାଇଦେଇଛନ୍ତି ବୋଲି ଚର୍ଚ୍ଚା ଜୋର ଧରିଛି । ସେଲିବ୍ରେଟି ଭ୍ୟାଲୁଏସନ ବ୍ରାଣ୍ଡ ରିପୋର୍ଟରେ ଆଲିଆଙ୍କୁ ସବୁଠୁ ଦାମୀ ହିରୋଇନ ବୋଲି କୁହାଯାଉଛି ।

ଦିନକୁ ଦିନ ତାଙ୍କ ଲୋକପ୍ରିୟତା ବଢିବାରେ ଲାଗିଛି । ଆଲିଆଙ୍କୁ ସଞ୍ଜୟ ଲିଲା ଭଂସାଲୀଙ୍କ ଫିଲ୍ମ କାଠିଆୱାଡିରେ ଲିଡ ରୋଲରେ ଦେଖିବାକୁ ମିଳିଥିଲା ।  ଅନ୍ୟପଟେ ‘ଆରଆରଆର’ ରେ ଆଲିଆଙ୍କ ଅଭିନୟକୁ ମଧ୍ୟ ଦର୍ଶକ ଖୁବ୍ ପସନ୍ଦ କରିଛନ୍ତି ।ଏହି ଫିଲ୍ମ ଗୁଡିକ ହିଟ ହେବା ପରେ ଦାମୀ ହିରୋଇନ ବନି ଯାଇଛନ୍ତି ଆଲିଆ । ଆଗକୁ ଆଲିଆଙ୍କ ବ୍ରହ୍ମାସ୍ତ୍ର, ରକି ଔର ରାନି ଆଦି ଫିଲ୍ନ ଦେଖିବାକୁ ମିଳିବ ।