ନୂଆଦିଲ୍ଲୀ: କରୋନା ବିରୋଧୀ ଲଢ଼େଇରେ ସାରା ବିଶ୍ୱକୁ ସହଯୋଗର ହାତ ବଢ଼ାଇଛି ଆମେରିକା । ମୋଟ୍ ୮ କୋଟି ଡୋଜ୍ ଟିକା ବାଣ୍ଟିବ ବୋଲି ନିକଟରେ ଘୋଷଣା କରିଥିଲେ ଆମେରିକା ରାଷ୍ଟ୍ରପତି ଜୋ ବାଇଡେନ୍ । ଏବେ ହ୍ୱାଇଟ୍ ହାଉସ୍ ପକ୍ଷରୁ ଟିକା ଆବଣ୍ଟନ ପ୍ଲାନ ଘୋଷଣା କରାଯାଇଛି । ପ୍ରଥମ ପର୍ଯ୍ୟାୟରେ ୫କୋଟି ୫୦ ଲକ୍ଷ ଡୋଜ୍ ଟିକା କାହାକୁ ଓ କେମିତି ଦିଆଯିବ ସେବାବଦରେ ସୂଚନା ଦେଇଛି ଆମେରିକା ।
ଏଥିରୁ ୧କୋଟି ୬୦ ଲକ୍ଷ ଡୋଜ୍ ଟିକା ଭାରତ ଓ ବାଂଲାଦେଶ ଭଳି ଦେଶକୁ ମିଳିବ । ଚଳିତମାସ ଶେଷ ସୁଦ୍ଧା ବିଭିନ୍ନ ଦେଶକୁ ଆମେରିକା ପଠାଇବ ଟିକା । ମୋଟ୍ ୮ କୋଟି ଡୋଜ୍ ଟିକାର ୭୫ ପ୍ରତିଶତ କୋଭାକ୍ସ ଅଭିଯାନ ଜରିଆରେ ଆବଣ୍ଟିତ କରାଯିବ । ବାକି ୨୫ ପ୍ରତିଶତ ଟିକା ଅତ୍ୟଧିକ ସଂକ୍ରମିତ ଦେଶକୁ ଦେବ ଆମେରିକା ।
US President Joe Biden announces allocation plan for 55 million doses part of the 80 million doses he had pledged to allocate by June end. Approx 16 million doses to be allocated to Asian countries-India, Nepal, Bangladesh, Pakistan, Sri Lanka, Afghanistan & others: White House
— ANI (@ANI) June 21, 2021
ଆମେରିକାର ସୂଚନା ଅନୁସାରେ ଭାରତ, ନେପାଳ, ବାଂଲାଦେଶ, ପାକିସ୍ତାନ, ଶ୍ରୀଲଙ୍କା, ଆଫଗାନିସ୍ତାନ ସମେତ ଏସୀୟା ମହାଦେଶର ବିଭିନ୍ନ ଦେଶକୁ ପାଖାପାଖି ୧କୋଟି ୬୦ ଲକ୍ଷ ଡୋଜ୍ ଟିକା ଦେବ । ନିକଟରେ ଶେଷ ହୋଇଥିବା ଜି-୭ ଶିଖର ସମ୍ମିଳନୀରେ ଗରିବ ରାଷ୍ଟ୍ରକୁ ଟିକା ଯୋଗାଇବା ଉପରେ ଆଲୋଚନା ହୋଇଥିଲା ।