ନୂଆଦିଲ୍ଲୀ: ଦିଲ୍ଲୀ ହିଂସା ନେଇ ସରକାର ଆଜି ପ୍ରଥମ ଥର ପାଇଁ ତଥ୍ୟ ସହ ମୁହଁ ଖୋଲିଛି । ଗୃହମନ୍ତ୍ରୀ ଅମିତ ଶାହ ଲୋକସଭାରେ ଏ ନେଇ ସରକାର ପକ୍ଷରୁ ନିଆ ଯାଇଥିବା ସମସ୍ତ ପଦକ୍ଷେପ ସମ୍ପର୍କରେ କହିବା ସହ ବିରୋଧୀଙ୍କୁ ସମାଲୋଚନା କରିଥିଲେ । ଆମେ ହୋଲି ପରେ ଏ ନେଇ ଆଲୋଚନା କରିବା ପାଇଁ ପ୍ରସ୍ତୁତ ଥିଲୁ । ହିଂସାରେ ହିନ୍ଦୁ କିମ୍ବା ମୁସଲମାନ ନୁହେଁ ୫୨ ଭାରତୀୟଙ୍କ ମୃତୁ୍ୟ ଘଟିଛି । ୫୨୬ ଆହତ ଓ ୩୦୦ରୁ ଊଦ୍ଧ୍ୱର୍ ଘର ପୋଡା ଯାଇଛି । ଉତରପ୍ରଦେଶରୁ ୩୦୦ ଅପରାଧୀ ଦିଲ୍ଲୀରେ ପ୍ରବେଶ କରି ଅଶାନ୍ତି କରିଥିଲେ । ୬୦ ସୋସିଆଲ ମିଡିଆ ଆକଂଉଟ ୨୨ ଫେବୃୟାରୀରେ ତିଆରି ହୋଇଥିଲା ।
୨୬ରେ ଏହି ସବୁ ଆକାଂଉଟ ବନ୍ଦ ହୋଇଥିଲା । ୭୦୦ ରୁ ଊଦ୍ଧ୍ୱର୍ ଏଫଆଇଆର ରୁଜୂ କରାଯାଇଥିବା ବେଳେ ୨୬୪୭ ଲୋକ ଗିରଫ ହୋଇଛନ୍ତି । ଏହି ଅବସରରେ ସେ ଦିଲ୍ଲୀ ପୋଲିସର ଉଦ୍ୟମକୁ ପ୍ରଶଂସା କରିଥିଲେ । ୩୬ ଘଂଟା ମଧ୍ୟରେ ପୋଲିସ ଦଙ୍ଗା ଉପରେ କାବୁ ପାଇଥିଲା । ଏହି ଅବସରରେ ବିରୋଧୀକୁ ସମାଲୋଚନା କରିବା ସହ ଭାରତୀୟ ଇତିହାସର ୭୬ ପ୍ରତିଶତ ଦଙ୍ଗା କଂଗ୍ରେସ ସରକାର ବେଳେ ହୋଇଥିଲା ବୋଲି ଶାହ କହିଛନ୍ତି ।
