ନୂଆଦିଲ୍ଲୀ:ଭାରତୀୟ ଆଥଲେଟକୁ ପୁନର୍ବାର ଡୋପ କଳଙ୍କ ଛୁଇଁଛି । ବୁଧବାର ମିଳିଥିବା ରିପୋର୍ଟ ମୁତାବକ ବାସ୍କେଟବଲ ଖେଳାଳି ଅମୃତପାଲ ସିଂ ଓ ମହିଳା ବକ୍ସର ନୀରଜ ଫୋଗଟ ଡୋପ ଟେଷ୍ଟରେ ଧରା ପଡିଛନ୍ତି । ଦୁଇ ଜଣଙ୍କ ଉପରେ ୪ ବର୍ଷ ଲେଖାଏଁ ପ୍ରତିବନ୍ଧ ଲଗାଯାଇଛି । ଅପରପକ୍ଷରେ ୱେଟଲିଫ୍ଟର ସଂଜିତା ଚାନୁଙ୍କ ଉପରେ ଲଗାଯାଇଥିବା ଡୋପିଂ ଅଭିଯୋଗକୁ ଅନ୍ତର୍ଜାତୀୟ ୱେଟଲିଫ୍ଟିଂ ଫେଡେରେଶନ ଉଠାଇ ଦେଇଛି । ୱାଡାର ନିର୍ଦ୍ଦେଶ କ୍ରମେ ଆଇଡବ୍ଲ୍ୟୁଏଫ ଏହି ପଦକ୍ଷେପ ଗ୍ରହଣ କରିଛି । ନୀରଜଙ୍କ ଉପରେ ଲଗାଯାଇଥିବା ଦଣ୍ଡାଦେଶ ଡିସେମ୍ବରରୁ ଓ ଅମୃତପାଲଙ୍କ ଉପରେ ପ୍ରତିବନ୍ଧ ୧୯ ମଇରୁ ଲାଗୁ ହେବ ।
ଡୋପିଂ ଅଭିଯୋଗରୁ ମୁକ୍ତ ହେବା ନେଇ ଚାନୁ ସନ୍ତୋଷବ୍ୟକ୍ତ କରିଥିଲେ ମଧ୍ୟ ପରୋକ୍ଷରେ ଆଇଡବ୍ଲ୍ୟୁଏଫ ଉପରେ ଦୋଷ ଲଦିଛନ୍ତି । ଅଭିଯୋଗ ପ୍ରମାଣିତ ନ ହେବା ପୂର୍ବରୁ ଦଣ୍ଡିତ କରିବା ଫଳରେ ମୁଁ ଅଲିମ୍ପିକ ଯୋଗ୍ୟତାରେ ଭାଗ ନେଇପାରିଲି ନାହିଁ ବୋଲି ଚାନୁ କହିଛନ୍ତି । ଏପରିକି ଆସୋସିଏଶନ ମୋତେ କ୍ଷମା ମାଗିବା ସହ କ୍ଷତିପୂରଣ ଦେଉ ବୋଲି ସେ କହିଛନ୍ତି ।
Comments are closed.