ମେଲବୋର୍ଣ୍ଣ: ଇଂଲଣ୍ଡ ପେସ ବୋଲର ଜେମ୍ସ ଆଣ୍ଡରସନ ବ୍ୟାଟିଂରେ ଇତିହାସ ରଚିଛନ୍ତି । ସେ ଟେଷ୍ଟ କ୍ରିକେଟରେ ସର୍ବାଧିକ ଥର ନଟଆଉଟ ରହିବା ରେକର୍ଡ କରିଛନ୍ତି । ସେ ଏ ପର୍ଯ୍ୟନ୍ତ ୧୦୦ ଥର ନଟଆଉଟ ରହିଛନ୍ତି । ତାଙ୍କ ପୂର୍ବରୁ କୌଣସି ଖେଳାଳି ଏତେ ମ୍ୟାଚରେ ନଟଆଉଟ ରହି ନ ଥିଲେ । ଆଡିଲେଡରେ ଖେଳା ଯାଉଥିବା ଆଶେସ ସିରିଜର ଦ୍ୱିତୀୟ ମ୍ୟାଚରେ ସେ ଏହି ଉପଲବ୍ଧି ହାସଲ କରିଛନ୍ତି । ଆଣ୍ଡରସନଙ୍କ ପଛକୁ ୱେଷ୍ଟଇଣ୍ଡିଜର କର୍ଟନୀ ୱାଲ୍ଶ(୬୧) ଓ ଶ୍ରୀଲଙ୍କାର ମୁଥୟା ମୁରଲୀଧରନ (୫୬) ରହିଛନ୍ତି ।
ଆଣ୍ଡରସନ ବୋଲିଂରେ ମଧ୍ୟ କମାଲ ଜାରୀ ରଖିଛନ୍ତି । ସେ ପେସ ବୋଲର ଭାବେ ସର୍ବାଧିକ(୬୩୫) ୱିକେଟ ଅକ୍ତିଆର କରିଛନ୍ତି ଓ ଓଭରାଲ ୩ୟ ସ୍ଥାନରେ ରହିଛନ୍ତି । ତାଙ୍କ ଆଗରେ ମୁଥୟା ମୁରଲୀଧରନ (୮୦୦)ଓ ଶେନ ୱାର୍ଣ୍ଣେ (୭୦୮) ରହିଛନ୍ତି ।