ଆସିଲା ଇର୍‌ଫାନ୍‌ଙ୍କ ‘ଅଙ୍ଗ୍ରେଜୀ ମିଡିଅମ’, ଦେଖନ୍ତୁ ଭିଡିଓ

ମୁମ୍ବାଇ: ବହୁ ଦିନର ବିରତି ପରେ ପୁଣି ଥରେ ବଲିଉଡକୁ କମ୍‌ବ୍ୟାକ୍ କରିଛନ୍ତି ଭର୍ସଟାଇଲ ଅଭିନେତା ଇର୍‌ଫାନ୍ ଖାନ୍ । ରିଲିଜ ହୋଇଛି ତାଙ୍କର ଅପ୍‌କମିଂ ଫିଲ୍ମ ‘ଅଙ୍ଗ୍ରେଜୀ ମିଡିଅମ’ର ଟ୍ରେଲର । ୨ ମିନିଟ୍ ୫୫ ସେକେଣ୍ଡର ଏହି ଭିଡିଓରେ ଭରପୁର କମେଡି ସାଙ୍ଗକୁ ଫ୍ୟାମିଲି ଇମୋସନାଲ ଡ୍ରାମା ମଧ୍ୟ ଦେଖିବାକୁ ମିଳିଛି ।

ହୋମି ଅଦଜାନିଆଙ୍କ ନିର୍ଦ୍ଦେଶନାରେ ତିଆରି ଏହି ଫିଲ୍ମ ଜଣେ ମଧ୍ୟମବର୍ଗୀୟ ପରିବାରର ବାପା କିଭଳି ନିଜ ଝିଅକୁ ବିଦେଶରେ ପାଠ ପଢ଼ାଇବା ପାଇଁ ସ୍ୱପ୍ନ ଦେଖୁଛନ୍ତି ଓ ତାକୁ ସାକାର କରିବା ପାଇଁ କିଭଳି ସଂଘର୍ଷ କରୁଛନ୍ତି ତାକୁ ନେଇ ଆଧାରିତ । ଫିଲ୍ମର ଲିଡ୍ ରୋଲ୍‌ରେ ଇର୍‌ଫାନ୍ ଖାନ୍ ଥିବାବେଳେ ତାଙ୍କ ଅପଜିଟ୍‌ରେ ଅଛନ୍ତି କରୀନା କପୁର । ଅନ୍ୟ ପ୍ରମୁଖ ଭୂମିକାରେ ଅଛନ୍ତି ରାଧିକା ମଦାନ, ଯିଏକି ଇର୍‌ଫାନ୍‌ଙ୍କ ଝିଅ ଭୂମିକାରେ ନଜର ଆସିବେ । ଅନ୍ୟମାନଙ୍କ ମଧ୍ୟରେ ଡିମ୍ପଲ କପାଡିଆ, କିକୁ ଶରଦ ଓ ଦୀପକ ଡୋବ୍ରିଆଲ ଅଛନ୍ତି । ଆସନ୍ତା ମାର୍ଚ୍ଚ ୨୦ରେ ଫିଲ୍ମ ରିଲିଜ ହେବ ।