ମୁମ୍ବାଇ: ସ୍କୁଲରେ ପଶିଲା ଷଣ୍ଢ। ଷଣ୍ଢ ଆକ୍ରମଣରେ ବହୁ ଛାତ୍ରଛାତ୍ରୀ ଆହତ ମଧ୍ଯ ହୋଇଛନ୍ତି। ଏହିଭଳି ଏକ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି।
ଏହି ଭିଡିଓରେ ଦେଖିବାକୁ ମିଳିଛି ଯେ ସ୍କୁଲ ଛାତ୍ରଛାତ୍ରୀ ବିରତି ସମୟରେ ବିଦ୍ୟାଳୟର ପରିସରରେ ଖେଳୁଥିବା ବେଳେ ହଠାତ୍ ଏକ ଷଣ୍ଢ ବିଦ୍ୟାଳୟ ପରିସରକୁ ପଶି ଆସିଥିଲା। ଏହି ସମୟରେ ଜଣେ ବ୍ୟକ୍ତି ଷଣ୍ଢକୁ ରୋକିବା ପାଇଁ ମଧ୍ଯ ଚେଷ୍ଟା କରିଥିଲେ ମଧ୍ଯ ଷଣ୍ଢଟି ଛାତ୍ରଛାତ୍ରୀଙ୍କୁ ଆକ୍ରମଣ କରିଥିଲା। ତେବେ ଏହାର କିଛି ସମୟ ପରେ ଷଣ୍ଢଟି ବାହାରକୁ ଚାଲିଯାଇଥିଲା।
ସୂଚନା ଅନୁଯାୟୀ, ଏହି ଘଟଣାଟି ଛତ୍ରପତି ସମ୍ଭାଜୀ ନଗରର ଅଟେ। ଯେଉଁଠାରେ ଏକ ଷଣ୍ଢ ସ୍ଥାନୀୟ ମଡର୍ଣ୍ଣ ସ୍କୁଲରେ ପଶି ପିଲାମାନଙ୍କୁ ଆକ୍ରମଣ କରିଥିଲା। ତେବେ ବିଦ୍ୟାଳୟରେ ପ୍ରବେଶ କରିବା ପୂର୍ବରୁ ଷଣ୍ଢଟି ବାହାରେ ଦୁଇ ତିନି ଜଣଙ୍କୁ ମଧ୍ୟ ଆକ୍ରମଣ କରିଥିଲା। ଏହା ପରେ ସେ ବିଦ୍ୟାଳୟରେ ପଶି ଛାତ୍ରଛାତ୍ରୀମାନଙ୍କୁ ଆକ୍ରମଣ କରିଥିଲେ। ତେବେ ଏଥିରେ କୌଣସି ଜନଜୀବନ ନଷ୍ଟ ହୋଇନଥିବା ବେଳେ କିଛି ଛାତ୍ରଛାତ୍ରୀ ଆହତ ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।
Comments are closed.