ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା: ବିବନକୁ ରିମାଣ୍ଡରେ ନେଲା ସିବିଆଇ

ଭୁବନେଶ୍ୱର: ଖୋଲିବ ୧୯୯୯ ମସିହା ବହୁଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲାର ଅନେକ ଗୁମର । ଷଡ଼ଯନତ୍ର ପଛର ସତ କହିବ ମାଷ୍ଟରମାଇଣ୍ଡ ବିବନ ବିଶ୍ୱାଳ । ୨୨ବର୍ଷ ତଳର ସେହି ଜଘନ୍ୟକାଣ୍ଡର ଗୋଟିଏ ଗୋଟିଏ ସତ ତା ପାଖରୁ ବାହାର କରିବ ସିବିଆଇ । ଆଜିଠାରୁ ତାକୁ ଦୁଇ ଦିନିଆ ରିମାଣ୍ଡରେ ନେଇଛି ।

ଝାରପଡ଼ା ଜେଲରୁ ସିବିଆଇର ପାଞ୍ଚ ଜଣିଆ ଟିମ୍ ବିବନକୁ କଡ଼ା ସୁରକ୍ଷା ଭିତରେ ନେଇଛନ୍ତି । ଜେଲରୁ ତାକୁ ନିଆଯାଇଛି ସିବିଆଇ ଅଫିସ । ପ୍ରଥମେ ତାର ସ୍ୱାସ୍ଥ୍ୟ ପରୀକ୍ଷା କରାଯିବ । ତାପରେ ଚାଲିବ ମାରାଥନ୍ ଜେରା । ଅଭିଯୁକ୍ତର ବୟାନ ରେକର୍ଡ କରିବ ସିବିଆଇ । ଅନେକ ପ୍ରଶ୍ନର ଉତ୍ତର ବିବନ ପାଖରୁ ଜାଣିବା ତଦନ୍ତକାରୀ ଟିମ୍ । ଅଧିକ ତଥ୍ୟ ପ୍ରମାଣ ଯୋଗାଡ଼ କରିବ ।

ଗତକାଲି ବିବନକୁ ଟିଆଇ ପରେଡରେ ଚିହ୍ନଟ କରିଥିଲେ ଅଞ୍ଜନା ମିଶ୍ର । ୨୨ବର୍ଷ ତଳର ସେହି ବର୍ବରକାଣ୍ଡର ଖଳନାୟକକୁ ସେ ଚିହ୍ନଟ କରିଥିବା କହିଥିଲେ । ସେହିପରି ଘଟଣାଦିନ ଅଞ୍ଜନାଙ୍କ ଗାଡ଼ି ଡ୍ରାଇଭର ଥିବା ନୀଳକଣ୍ଠ ରାଉତ ବି ଟିଆଇ ପରେଡରେ ବିବନକୁ ଚିହ୍ନଟ କରିଛନ୍ତି ।