‘ଅରବିନ୍ଦ ମୋ କଥା କେବେ ଶୁଣିଲେ ନାହିଁ, ଏଥିପାଇଁ ମୁଁ ଦୁଃଖିତ’

ନୂଆଦିଲ୍ଲୀ: ଦିଲ୍ଲୀ ମଦ ଦୁର୍ନୀତି ମାମଲାରେ ଗିରଫ ହୋଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ । ତାଙ୍କୁ ଗିରଫ କରିଛି ଇଡି । ଏହାକୁ ଆପ୍‌ ନେତାଙ୍କ ସହିତ ଅନେକ ଦଳର ନେତା ତୀବ୍ର ସମାଲୋଚନା କରିଛନ୍ତି । ଆଗକୁ ନିର୍ବାଚନ ଥିବା ବେଳେ ତା’ପୂର୍ବରୁ କେଜ୍ରିୱାଲଙ୍କୁ ଗିରଫ କରିବା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।

ଏହି ଘଟଣାରେ ସମାଜସେବୀ ଆନ୍ନା ହଜାରେ ପ୍ରତିକ୍ରିୟା ରଖିଛନ୍ତି । କେଜ୍ରିୱାଲଙ୍କ ଗିରଫଦାରୀ ସମ୍ପର୍କରେ ସେ କହିଛନ୍ତି ଯେ, ‘ଅତୀତରେ ଆମେ ଦୁହେଁ ମଦ ଭଳି ଦୁର୍ନୀତି ବିରୋଧରେ ଏକାଠି ଠିଆ ହୋଇଥିଲୁ । ହେଲେ ଆଜି ସେ ନିଜେ ମଦ ତିଆରି କରୁଛନ୍ତି । ‘ଅରବିନ୍ଦ ମୋ କଥା କେବେ ଶୁଣିଲେ ନାହିଁ ଏବଂ ମୁଁ ଏଥିପାଇଁ ଦୁଃଖିତ’ ।

ଆନ୍ନା ହଜାରେ ଆହୁରି କହିଛନ୍ତି ଯେ, ‘ମଦ ଦୁର୍ନୀତି ବନ୍ଦ କରିବା ପାଇଁ ମୁଁ କେଜ୍ରିୱାଲଙ୍କୁ ଅନେକ ଥର ଚିଠି ଲେଖିଥିଲି, ମଦ ନୀତି ଉପରେ ଚିଠି ଲେଖିବାର ଉଦ୍ଦେଶ୍ୟ ହେଉଛି ଅନ୍ୟାୟ ଦୂର କରିବା । ମଦ୍ୟପାନ ହେତୁ ଲୋକଙ୍କ ହତ୍ୟା ଜନିତ ମାମଲା ବଢୁଛି ଏବଂ ମହିଳାଙ୍କୁ ନିର୍ଯାତନା ଦିଆଯାଉଛି । ଏହି କାରଣରୁ ମୁଁ ମଦ ନୀତି ବନ୍ଦ କରିବା ବିଷୟରେ କହିଥିଲି, କିନ୍ତୁ ମୋ କଥା ଅରବିନ୍ଦଙ୍କ ମନକୁ ପାଇନଥିଲେ ଏବଂ ସେ ମଦ ନୀତି ଆରମ୍ଭ କରିଥିଲେ । ସେହି ମଦ ନୀତି ଯୋଗୁଁ ଶେଷରେ ତାଙ୍କୁ ଗିରଫ କରାଯାଇଥିଲା ବୋଲି ଆନ୍ନା ହଜାରେ କହିଛନ୍ତି’ ।

#WATCH | Ahmednagar, Maharashtra: On ED arresting Delhi CM Arvind Kejriwal, Social activist Anna Hazare says, "I am very upset that Arvind Kejriwal, who used to work with me, raise his voice against liquor, is now making liquor policies. His arrest is because of his own deeds…" pic.twitter.com/aqeJEeecfM

— ANI (@ANI) March 22, 2024