ଭୁବନେଶ୍ୱର: ଭୁବନେଶ୍ୱର ସଂସଦୀୟ ନିର୍ବାଚନ ମଣ୍ଡଳୀର ବିଜେପି ସାଂସଦ ଅପରାଜିତା ଷଡ଼ଙ୍ଗୀ ଶୁକ୍ରବାର ଦିନ କେନ୍ଦ୍ର ସଡ଼କ ପରିବହନ ତଥା ରାଜମାର୍ଗ ମନ୍ତ୍ରୀ ନୀତିନ ଗଡ଼କରୀଙ୍କ୍ୁ ନୂଆଦିଲ୍ଲୀଠାରେ ଭେଟିଛନ୍ତି । ଏହି ଅବସରରେ ଅପରାଜିତା ବାରମ୍ବାର ହଂସପାଳ ପରି ଆକ୍ସିଡ଼େଣ୍ଟ୍ ଜୋନ ଲାଗି ଏକ ଫ୍ଲାଏ ଓଭର ନିର୍ମାଣ କରିବାକୁ ଦାବି କରିଥିଲେ ।
ଅପରାଜିତା ଏସମ୍ପର୍କରେ ଏକ ଟ୍ୱିଟ୍ କରି କହିଛନ୍ତି, କେନ୍ଦ୍ରମନ୍ତ୍ରୀ ଆଶ୍ୱାସନା ଦେଇଛନ୍ତି, ‘ନିଶ୍ଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ’ । କେନ୍ଦ୍ରମନ୍ତ୍ରୀଙ୍କୁ ଏହି ଅବସରରେ ଭେଟିଥିବାର ଫଟୋ ମଧ୍ୟ ତାଙ୍କର ଟ୍ୱିଟର୍ ପୃଷ୍ଠାରେ ଅପଲୋଡ୍ କରିଛନ୍ତି ।
Held a meeting with Sri Nitin Gadakari today to discuss regarding the construction of a flyover at an accident prone point at Hanspal. This is in response to my spot visit with members of Uttar Bhubaneswar Unnayan Parishad. Hon’ble Minister assured of positive action soon. pic.twitter.com/7U8ONR22RO
— Aparajita Sarangi (@AprajitaSarangi) July 26, 2019
ନିକଟରେ ‘ଭୁବନେଶ୍ୱର ଉନ୍ନୟନ ପରିଷଦ’ର କିଛି ସଦସ୍ୟଙ୍କ ସହିତ ହଂସପାଳ ଛକଠାରେ ଏକ ଦୁର୍ଘଟଣାସ୍ଥଳ ପରିଦର୍ଶନ କରି ଏଠାରେ ଏକ ଫ୍ଲାଏ ଓଭର୍ ନିର୍ମାଣ କରିବାକୁ ଦାବି କରିଛନ୍ତି ।
ବ୍ୟସ୍ତବହୁଳ କଟକ-ଭୁବନେଶ୍ୱର ଜାତୀୟ ରାଜପଥରେ ଥିବା ହଂସପାଳ ଛକରେ ବାରମ୍ବାର ସଡ଼କ ଦୁଘଟଣା ଘଟୁଥିବା ଯୋଗୁଁ ରାସ୍ତାଟି ବିପଜ୍ଜନକ ହୋଇପଡ଼ିଛି ।
କିଛିଦିନ ପୂର୍ବରୁ କଟକ-ଚୌଦ୍ୱାର ବିଧାୟକ ସୌଭିକ ବିଶ୍ୱାଳ ଏଠାରେ ଏକ କାର୍ ଦୁର୍ଘଟଣାରେ ଆହତ ହୋଇଥିଲେ । ଏହି ଦୁର୍ଘଟଣାରେ ବିଧାୟକଙ୍କ କାରଟିର ଅଧିକାଂଶ ଭାଗ କ୍ଷତିଗ୍ରସ୍ତ ହୋଇଥିଲା ।