ଆବେଦନ କରିନାହାଁନ୍ତି କି ପ୍ରଧାନମନ୍ତ୍ରୀ ଇଣ୍ଟର୍ନଶିପ୍ ଯୋଜନା? ଶୀଘ୍ର କରନ୍ତୁ, ମିଳିବ ଅନେକ କିଛି ସୁବିଧା

ନୂଆଦିଲ୍ଲୀ: ପ୍ରଧାନମନ୍ତ୍ରୀ ଇଣ୍ଟର୍ନଶିପ୍ ଯୋଜନା ୨୦୨୫ର ଦ୍ୱିତୀୟ ପର୍ଯ୍ୟାୟ ପାଇଁ ରେଜିଷ୍ଟ୍ରେସନ୍ ପ୍ରକ୍ରିୟା ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ ଚାଲିବ। ଯଦି ଆପଣ ଏପର୍ଯ୍ୟନ୍ତ ଏହି ଯୋଜନାରେ ରେଜିଷ୍ଟ୍ରେସନ୍ କରିନାହାଁନ୍ତି ଏବଂ ଏଥିରେ ସାମିଲ ହେବାକୁ ଚାହୁଁଛନ୍ତି, ତେବେ ଏହା ହେଉଛି ଆପଣଙ୍କ ଶେଷ ସୁଯୋଗ। ପ୍ରଥମେ ରେଜିଷ୍ଟ୍ରେସନର ଅନ୍ତିମ ତାରିଖ ୧୨ ମାର୍ଚ୍ଚ ୨୦୨୫ ଥିଲା, କିନ୍ତୁ ଏହାକୁ ବଢ଼ାଇ ୩୧ ମାର୍ଚ୍ଚ ୨୦୨୫ କରାଯାଇଛି। ଇଚ୍ଛୁକ ପ୍ରାର୍ଥୀମାନେ ଏହାକୁ ଧ୍ୟାନରେ ରଖି ରେଜିଷ୍ଟ୍ରେସନ୍ ପ୍ରକ୍ରିୟା ସମ୍ପୂର୍ଣ୍ଣ କରିବା ଉଚିତ୍।

ଆବେଦନ କିପରି କରିବେ?

ପ୍ରଥମେ, ପ୍ରଧାନମନ୍ତ୍ରୀ ଇଣ୍ଟର୍ନଶିପର ସରକାରୀ ୱେବସାଇଟ୍ pminternship.mca.gov.in କୁ ଯାଆନ୍ତୁ। ହୋମ୍ ପେଜ୍‌ରେ ଥିବା ରେଜିଷ୍ଟ୍ରେସନ୍ ଲିଙ୍କ୍ ଉପରେ କ୍ଲିକ୍ କରନ୍ତୁ। ଆପଣଙ୍କ ମୋବାଇଲ୍ ନମ୍ବର ଏଣ୍ଟ୍ରି କରାଇ ରେଜିଷ୍ଟ୍ରେସନ୍ ପ୍ରକ୍ରିୟା ସମ୍ପୂର୍ଣ୍ଣ କରନ୍ତୁ। ଆବେଦନ ଫର୍ମରେ ଆବଶ୍ୟକୀୟ ଡକ୍ୟୁମେଣ୍ଟ ଅପଲୋଡ୍ କରନ୍ତୁ। ସମସ୍ତ ବିବରଣୀ ଯାଞ୍ଚ କରି ଫର୍ମ ସବମିଟ୍ କରନ୍ତୁ। ଶେଷରେ, ଆବେଦନ ଫର୍ମର ଏକ ପ୍ରିଣ୍ଟଆଉଟ୍ ନେଇ ସୁରକ୍ଷିତ ରଖନ୍ତୁ। ଯୋଗ୍ୟତା ମାନଦଣ୍ଡ ପ୍ରାର୍ଥୀଙ୍କ ବୟସ ୨୧ରୁ ୨୪ ବର୍ଷ ମଧ୍ୟରେ ହେବା ଉଚିତ୍।

ପ୍ରାର୍ଥୀ କୌଣସି ଫୁଲ୍ ଟାଇମ୍ ଚାକିରି କିମ୍ବା ଶିକ୍ଷାରେ ସାମିଲ ହେବା ଉଚିତ୍ ନୁହେଁ। ଅନଲାଇନ୍ କିମ୍ବା ଡିଷ୍ଟାନ୍ସ ଏଜୁକେସନ୍ ମାଧ୍ୟମରେ ପଢୁଥିବା ଯୁବକ ମଧ୍ୟ ଆବେଦନ କରିପାରିବେ। ଯେଉଁ ପ୍ରାର୍ଥୀଙ୍କ ପରିବାରର ବାର୍ଷିକ ଆୟ ୮ ଲକ୍ଷ ଟଙ୍କାରୁ ଅଧିକ, ସେମାନେ ଏହି ଯୋଜନା ପାଇଁ ଯୋଗ୍ୟ ହେବେ ନାହିଁ। ଯେଉଁ ଯୁବକଙ୍କ ପରିବାରରେ କୌଣସି ସଦସ୍ୟ ସ୍ଥାୟୀ ସରକାରୀ ଚାକିରିରେ ଅଛନ୍ତି, ସେମାନେ ମଧ୍ୟ ଏହି ଯୋଜନା ପାଇଁ ଆବେଦନ କରିପାରିବେ ନାହିଁ।

ମୋଟ ୧ ଲକ୍ଷ ପ୍ରାର୍ଥୀଙ୍କ ଚୟନ ପ୍ରଧାନମନ୍ତ୍ରୀ ଇଣ୍ଟର୍ନଶିପ୍ ଯୋଜନାର ଦ୍ୱିତୀୟ ପର୍ଯ୍ୟାୟରେ ମୋଟ ୧ ଲକ୍ଷ ପ୍ରାର୍ଥୀଙ୍କୁ ଚୟନ କରାଯିବ। ଏହା ଏକ ଉତ୍ତମ ସୁଯୋଗ, ଯେଉଁଥିରେ ପ୍ରାର୍ଥୀମାନେ ଦେଶର ପ୍ରମୁଖ କମ୍ପାନୀଗୁଡ଼ିକ ସହିତ କାର୍ଯ୍ୟ କରିବାର ଅଭିଜ୍ଞତା ହାସଲ କରିପାରିବେ।

ମିଳିବ ଏହି ସୁବିଧା

ମାସିକ ଷ୍ଟାଇପେଣ୍ଡ୍: ପ୍ରାର୍ଥୀମାନଙ୍କୁ ପ୍ରତି ମାସରେ ୫୦୦୦ ଟଙ୍କା ଷ୍ଟାଇପେଣ୍ଡ୍ ମିଳିବ। ଏଥିରେ ୪୫୦୦ ଟଙ୍କା କେନ୍ଦ୍ର ସରକାର ଏବଂ ୫୦୦ ଟଙ୍କା ସିଏସ୍‌ଆର୍ ଫଣ୍ଡରୁ କମ୍ପାନୀ ପ୍ରଦାନ କରିବ। ଚୟନିତ ପ୍ରାର୍ଥୀମାନଙ୍କୁ ଏକକାଳୀନ ୬୦୦୦ ଟଙ୍କା ମଧ୍ୟ ପ୍ରଦାନ କରାଯିବ।