ମାତ୍ର ଅଳ୍ପ ଇଞ୍ଚ ଦୂରରେ ଥିଲା ଡିଲ୍ ହେଲେ…ଇରାନ-ଆମେରିକା ଆଲୋଚନା ବିଫଳ ଉପରେ ମୁହଁ ଖୋଲିଲା ଇରାନ୍

ତେହରାନ: ଇସଲାମାବାଦରେ ଇରାନ ଏବଂ ଆମେରିକା ମଧ୍ୟରେ ଆଲୋଚନା ବିଫଳ ହେବା ପରେ, ଇରାନର ବୈଦେଶିକ ମନ୍ତ୍ରୀ ସୈଦ ଆବାସ ଅରାଘଚିଙ୍କ ମନ୍ତବ୍ୟ ସାମ୍ନାକୁ ଆଶିଛି । ସେ କହିଛନ୍ତି ଯେ ଏକ ଚୁକ୍ତି ପ୍ରାୟ ହୋଇସାରିଛି । ଦୁଇ ପକ୍ଷ ଏକ ଚୁକ୍ତିରେ ପହଞ୍ଚିବାଠାରୁ ମାତ୍ର “ଇଞ୍ଚ ଦୂରରେ” ଥିଲେ କିନ୍ତୁ ଶେଷ ମୁହୂର୍ତ୍ତରେ ଆମେରିକାର ବିବାଦ ଯୋଗୁଁ ଆଲୋଚନା ବନ୍ଦ ହୋଇଗଲା । ଅରାଘଚି ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ଏକ ପୋଷ୍ଟରେ ଏହା ଲେଖିଛନ୍ତି ।

ସେ କହିଛନ୍ତି ଯେ, ଯୁଦ୍ଧ ସମାପ୍ତ କରିବା ପାଇଁ ଇରାନ ଆନ୍ତରିକ ଆଲୋଚନାରେ ସାମିଲ ହୋଇଥିଲା, କିନ୍ତୁ ଅତ୍ୟଧିକ ଦାବି, ପରିବର୍ତ୍ତନଶୀଳ ଲକ୍ଷ୍ୟ ଏବଂ ଆମେରିକାର ବାଧା ଯୋଗୁଁ ଏକ ଚୁକ୍ତି ହୋଇପାରିଲା ନାହିଁ । ଇରାନ ଏବଂ ଆମେରିକା ମଧ୍ୟରେ ଆଲୋଚନା ଅନିର୍ଦ୍ଦିଷ୍ଟ ରହିବାର ଗୋଟିଏ ଦିନ ପରେ ଅରାଘଚିଙ୍କ ମନ୍ତବ୍ୟ ଆସିଛି । ପୂର୍ବରୁ, ପଶ୍ଚିମ ଏସିଆରେ ଚାଲିଥିବା ଯୁଦ୍ଧର ସମାଧାନ ଖୋଜିବା ପାଇଁ ଉଭୟ ପକ୍ଷ ଇସଲାମାବାଦରେ ମୁହାଁମୁହିଁ ହୋଇଥିଲେ, କିନ୍ତୁ କୌଣସି ସଫଳତା ମିଳିନଥିଲା ।

ଅରାଘଚି କହିଛନ୍ତି ଯେ, ଯୁଦ୍ଧ ସମାପ୍ତ କରିବା ପାଇଁ ଇରାନ ଆମେରିକା ସହିତ ସଦ୍ଭାବନା ସହିତ ଆଲୋଚନାରେ ଅଂଶଗ୍ରହଣ କରିଥିଲା । ଏହା ପ୍ରାୟ ୫୦ ବର୍ଷ ମଧ୍ୟରେ ଦୁଇ ଦେଶ ମଧ୍ୟରେ ସର୍ବୋଚ୍ଚ ସ୍ତରୀୟ ଆଲୋଚନା ଥିଲା । “୪୭ ବର୍ଷ ମଧ୍ୟରେ ସର୍ବୋଚ୍ଚ ସ୍ତରରେ ସବୁଠାରୁ ତୀବ୍ର ଆଲୋଚନାରେ, ଇରାନ ଯୁଦ୍ଧ ସମାପ୍ତ କରିବା ପାଇଁ ସଦ୍ଭାବନା ସହିତ ଆମେରିକା ସହିତ ଆଲୋଚନା କରିଥିଲା । କିନ୍ତୁ ଆମେରିକାର ଏପରି କିଛି ମନୋଭାବ ଯୋଗୁଁ ଏହା ଅଧାରେ ଅଟକି ରହିଲା ।