ଭୁବନେଶ୍ୱର: ନ କହି ନ କହି ଅନେକ କଥା କହିଦେଲେ ଲେଡି ବ୍ଲାକମେଲର ଅର୍ଚ୍ଚନା । ସବୁ କ୍ଷୋଭ ଉଦଗାରି ଦେଲେ ଅର୍ଚ୍ଚନା । ଇଡିକୁ ସାମ୍ନା କରିବା ପୂର୍ବରୁ ବିସ୍ଫୋରକ ବୟାନ ଦେଇଗଲେ । ଆଉ ଯାହା ଗୁମର ଲୁଚି ରହିଛି ଅର୍ଚ୍ଚନାଙ୍କ ପେଟରେ ସବୁ ସତ ଇଡି ସାମ୍ନାରେ ଉଗାଳି ପାରନ୍ତି, ତାହାର ମଧ୍ୟ ପ୍ରାକ ସୂଚନା ଦେଇଗଲେ । ସେତିକି ନୁହେଁ, ବଡବଡିଆଙ୍କୁ ଧମକ ବି ଦେଇଗଲେ । କହିଲେ, କାହାକୁ ଛାଡ଼ିବିନି । ଯଦି ସେ ମୁହଁ ଖୋଲନ୍ତି ତେବେ ରାଜ୍ୟ ପରିବର୍ତ୍ତନ ହୋଇଯିବ ବୋଲି ବି ଚେତାବନୀ ଦେଇଗଲେ ।
କ୍ୟାପିଟାଲ ହସ୍ପିଟାଲରେ ଗଣମାଧ୍ୟମ ଆଗରେ ସେ ବିସ୍ଫୋରକ ବୟାନ ଦେଇ ଅର୍ଚ୍ଚନା କହିଲେ ମୁଁ ଯେତେବେଳେ କହିବି, ସାରା ରାଜ୍ୟ ପରିବର୍ତ୍ତନ ହୋଇଯିବ । ମୋତେ ସମୟ ଦରକାର । ସେ ଏଥିପାଇଁ ୩୦ ମିନିଟ୍ ସମୟ ମାଗିଥିଲେ । ସେ ଅଭିଯୋଗ ବି କରିଥିଲେ ମୋତେ ଫସାଇ ଦେଇଛନ୍ତି । ମୋର ମୁହଁ ବନ୍ଦ କରି ଗିରଫ କଲେ । ମୁଁ କ’ଣ ଆତଙ୍କବାଦୀ କି ବୋଲି ସେ ପ୍ରଶ୍ନ କରିବା ସହ ସମୟ ଆସିଲେ ସବୁ ତଥ୍ୟ ପ୍ରମାଣ ସହ ସବୁ ଦେବେ ବୋଲି କହିଲେ । ବିନା ତଥ୍ୟ ପ୍ରମାଣରେ ତାଙ୍କୁ କଳଙ୍କିତ କରାଯାଉଛି ବୋଲି ସେ କହିବା ସହ କାହାକୁ ଛାଡ଼ିବେନି ବୋଲି ଅର୍ଚ୍ଚନା ନାଗ ଚେତାବନୀ ଦେଇଛନ୍ତି।
ବାରମ୍ବାର ଧମକ ଦେଇ ଅର୍ଚ୍ଚନା କହୁଥିଲେ, ସବୁ ତଥ୍ୟ ଖୋଲିବ । ମୁଁ ସବୁ କହବି । କାହାକୁ ଛାଡ଼ିବିନି ବୋଲି ଚେତାବନୀ ଦେଲେ ଅର୍ଚ୍ଚନା ନାଗ। ସେ ଶ୍ରଦ୍ଧାଞ୍ଜଳିର କଲ୍ ଡିଟେଲ୍ସ ରେକର୍ଡ ଯାଞ୍ଚ କରାଯାଉ।
ନିଜ ପୁଅର ନାଁ ନେଇ ଇମୋଶନାଲ କଥା କହିଥିଲେ । ସେ କହିଥିଲେ, ମୋତେ ଏମିତି ମିଛରେ ଫସାଯାଇଛି । ମୋ ୫ ବର୍ଷର ଛୁଆର ଲୁହ ପଡ଼ିବ। ମୁଁ ସମୟକୁ ଅପେକ୍ଷା କରିଛି, ଇଡି ତଦନ୍ତ କରୁ। ସେ ଇଡିକୁ ଅପେକ୍ଷା କରିଥିଲେ ଏବଂ ମୁହଁ ଖୋଲିବାରକୁ ସୁଯୋଗକୁ ଅପେକ୍ଷା କରିଥିବା କହିଥିଲେ ।