ଭୁବନେଶ୍ବର: ‘ଜୀ ସାର୍ଥକ ସୁପରଷ୍ଟାର୍ ସୁପର୍ ସିନେମା’ର ତୃତୀୟ ଅବଦାନ ‘ଦୁର୍ଗତିନାଶିନୀ’ ଖୁବ୍ ଶୀଘ୍ର ପରଦାକୁ ଆସିବାକୁ ଯାଉଛି। ଆସନ୍ତାକାଲି ସନ୍ଧ୍ୟା ୬ଟାରେ ଟେଲିଭିଜନ୍ରେ ଏହାର ପ୍ରିମିୟର୍ ପ୍ରସାରିତ ହେବ। ଏହା ଏକ ସତ୍ୟ ଘଟଣା ଉପରେ ଆଧାରିତ। ଏହି ଚଳଚ୍ଚିତ୍ରର ନିର୍ମାତା ଅକ୍ଷୟ ପରିଜା ହୋଇଥିବା ବେଳେ ଏହାର ନିର୍ଦ୍ଦେଶନା ଦେଇଛନ୍ତି ରାଜା ଡି। ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ଓଲିଉଡ୍ର ଚୁଲବୁଲି ନାୟିକା ଅର୍ଚ୍ଚିତା ସାହୁ। ଅର୍ଚ୍ଚିତାଙ୍କୁ ଏଥିରେ ଜଣେ ଦକ୍ଷ ପୁଲିସ୍ ଅଫିସର ଭୂମିକାରେ ଦେଖିବାକୁ ମିଳିବ।
ପ୍ରାୟ ୭ ବର୍ଷ ପରେ ପୁଣି ଥରେ ପୁଲିସ୍ ପୋଷାକରେ ଫେରିଛନ୍ତି ଅର୍ଚ୍ଚିତା। ଏନେଇ ସେ ବେଶ୍ ଖୁସିଥିବା ଜଣାପଡ଼ିଛି। ଏହି ପ୍ରଡକ୍ସନ୍ ସହ ଏହା ହେଉଛି ଅର୍ଚ୍ଚିତାଙ୍କ ଦ୍ୱିତୀୟ ଚଳଚ୍ଚିତ୍ର। ଚଳଚ୍ଚିତ୍ରରେ ଅର୍ଚ୍ଚିତା ଆଇପିଏସ୍ ଅଫିସର୍ ନିତ୍ୟା ଦାଶ ଭୂମିକାରେ ଅବତୀର୍ଣ୍ଣ ହୋଇଥିବା ବେଳେ ତାଙ୍କ ସହ ଅଭିନେତ୍ରୀ ସୋମା ଭୌମିକ୍, ଅଭିନେତା ପାର୍ଥ ଜୀବନ ପଣ୍ଡା ଓ ରାଜୀବ ମହାନ୍ତି ଅଛନ୍ତି। ପାପର ଭାର ଅଧିକ ହେଲେ ଅଧର୍ମ ଉପରେ ଧର୍ମର ଜୟ ପାଇଁ ଧରାପୃଷ୍ଠରେ ଅବତରଣ କରନ୍ତି ‘ଦୁର୍ଗତିନାଶିନୀ’ ଏଭଳି ଏକ କାହାଣୀକୁ ନେଇ ଏହି ଚଳଚ୍ଚିତ୍ର ନିର୍ମାଣ ହୋଇଛି।
Comments are closed.