ମୁମ୍ବାଇ: ସିଙ୍ଗର ଅରମାନ୍ ମଲ୍ଲିକ୍ ଫ୍ୟାନ୍ସ ମାନଙ୍କ ପାଇଁ ଗୁଡ଼ ନ୍ୟୁଜ୍ । ଖୁବଶିଘ୍ର ହାତକୁ ଦି ହାତ ହେବେ ସିଙ୍ଗର ଅରମାନ୍ । ୟୁଟ୍ୟୁବର ଆସନ୍ନା ସ୍ରଫଙ୍କ ସହ ନିର୍ବନ୍ଧ କରିଛନ୍ତି ଅରମାନ୍ । ଏନେଇ ସୋସିଆଲ ମିଡି଼ଆରେ ଗାୟକ ଅରମାନ୍ ଏକ ଖୁସିଭରା ମୂହୁର୍ତ୍ତର ଫଟୋ ମଧ୍ୟ ସେୟାର କରିଛନ୍ତି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ସିଙ୍ଗର ଅରମାନ ମଲ୍ଲିକଙ୍କ ଭାବି ପତ୍ନୀ ଆସନ୍ନା ଶ୍ରଫ ହେଉଛନ୍ତି ଜଣେ ଜଣାଶୁଣା ୟୁଟ୍ୟୁବର । ଅରମାନ୍ ୟୁଟ୍ୟୁବର ଆସନ୍ନା ସ୍ରଫଙ୍କୁ ୨୦୧୯ରୁ ଡେଟ୍ କରି ଆସୁଛନ୍ତି । ତେବେ, ଭାଇରାଲ୍ ହେଉଥିବା ଫଟୋ ଗୁଡିକରେ ଦେଖିବାକୁ ମିଳିଛି ଯେ, ଅରମାନ ଏକ ଅଫ୍ ଓ୍ବାଇଟ୍ ବ୍ଲେଜର ପିନ୍ଧି ଆସନ୍ନା ଶ୍ରଫଙ୍କୁ ଆଣ୍ଠୁମାଡି଼ ପ୍ରପୋଜ କରିବା ସହ ହୀରା ମୁଦି ପିନ୍ଧାଉଛନ୍ତି । ଆସନ୍ନା ଏକ ଓ୍ବାଇଟ୍ ପ୍ରିଟେଡର ଓ୍ବାନ୍ ପିସ୍ ପିନ୍ଧିଛନ୍ତି । ସେହି ପୋଜରେ ଉଭୟ ଖୁବ୍ ସୁନ୍ଦର ଦେଖାଯାଉଥିଲେ । ତେବେ, ଅରମାନ୍ ନିଜ ସୋସିଆଲ ମିଡି଼ଆରେ ନିର୍ବନ୍ଧ ବେଳର ଫଟୋ ସେୟାର କରି ଏକ ସୁନ୍ଦର କ୍ୟାପସନ୍ ଲେଖିଛନ୍ତି । ସେ ତାଙ୍କ କ୍ୟାପସନରେ ଲେଖିଛନ୍ତି ଯେ, ‘ଆମର ଜୀବନ ଯାତ୍ରା ଆଜିଠୁ ଆରମ୍ଭ ହୋଇଛି’ । ସିଙ୍ଗରଙ୍କର ଏହି ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ଏନେଇ ବିଭିନ୍ନ ସେଲି୍ବ୍ରେଟି ତାଙ୍କୁ ଶୁଭେଚ୍ଛା ଜଣାଇଛନ୍ତି।
Comments are closed.