କହ୍ନୈୟାଙ୍କ ପ୍ରାର୍ଥୀତ୍ୱକୁ କଂଗ୍ରେସ କର୍ମୀଙ୍କ ବିରୋଧ, ଦିଲ୍ଲୀ କଂଗ୍ରେସ ଅଧ୍ୟକ୍ଷଙ୍କ ଇସ୍ତଫା ମଞ୍ଜୁର

ନୂଆଦିଲ୍ଲୀ: ଦିଲ୍ଲୀ କଂଗ୍ରେସ ପ୍ରଭାରୀ ଦୀପକ ବାୱରିଆ କହ୍ନୈୟା କୁମାରଙ୍କ ପ୍ରାର୍ଥୀତ୍ୱକୁ ବିରୋଧ କରିଛନ୍ତି। ଏହାସହ ଅରବିନ୍ଦର ସିଂ ଲଭଲିଙ୍କ ଦିଲ୍ଲୀ କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ନେଇ ଏକ ବଡ଼ ବିବୃତ୍ତି ଦେଇଛନ୍ତି। ସେ ସ୍ପଷ୍ଟ ଭାବେ କହିଛନ୍ତି ପ୍ରାର୍ଥୀମାନଙ୍କର କୌଣସି ପରିବର୍ତ୍ତନ କରାଯିବ ନାହିଁ। ଏହା ସହିତ ଅରବିନ୍ଦ ସିଂ ଲଭଲିଙ୍କ ଇସ୍ତଫା ମଧ୍ୟ ଗ୍ରହଣ କରାଯାଇଛି। ଲୋକସଭା ନିର୍ବାଚନ ଲଢୁଥିବା ଯୁବ ନେତା କହ୍ନୈୟା କୁମାରଙ୍କୁ ନିଜ ଦଳର କର୍ମୀ ହିଁ ବିରୋଧ କରିଛନ୍ତି । ଯାହା ପରେ ଦିଲ୍ଲୀରେ କଂଗ୍ରେସ ରାଜନୀତି ସବୁକିଛି ଠିକ୍ ଠାକ୍ ନଥିବା ଜଣାପଡିଛି ।

ଏଥି ସହ ଅରବିନ୍ଦର ସିଂ ଲଭଲିଙ୍କ ଇସ୍ତଫା ସମ୍ପର୍କରେ ସେ କହିଛନ୍ତି ଯେ ବିଜେପି ଚାପରେ ସେ ଇସ୍ତଫା ଦେଇଛନ୍ତି ନା ଏହାର ଅନ୍ୟ କୌଣସି କାରଣ, ତାହା ସେ ଜାଣି ନାହାଁନ୍ତି। ଦିଲ୍ଲୀ କଂଗ୍ରେସର ଅଧ୍ୟକ୍ଷ ନିଜ ପଦରୁ ଇସ୍ତଫା ଦେବା ସହିତ, କହ୍ନୈୟାଙ୍କ ପ୍ରାର୍ଥୀତ୍ୱକୁ ବିରୋଧ କରିଥିଲେ । ସିଧାସଳଖ ତାଙ୍କ ନାମ ନେଇନଥିଲେ। କିନ୍ତୁ ତାଙ୍କୁ ବାହାରର ଲୋକ କହି ତେରେଛା ବାଣ ମାରିଥିଲେ । ଆଉ ସ୍ଥାନୀୟ କୌଣସି ଲୋକଙ୍କୁ ଟିକେଟ୍ ଦେବାକୁ ଦାବି କରିଥିଲେ।

ଆପଣଙ୍କୁ କହିରଖୁଛୁ ଯେ କଂଗ୍ରେସ କର୍ମୀମାନେ ରବିବାର ଦିନ କହ୍ନୈୟା କୁମାରଙ୍କ ନୂତନ ଉଦ୍ଘାଟିତ କାର୍ଯ୍ୟାଳୟ ବାହାରେ କଳା ପୋଷ୍ଟର ସହିତ ବିରୋଧ କରିଥିଲେ। ପୋଷ୍ଟରରେ ଏହା ଲେଖାଯାଇଛି ଯେ ସେମାନେ ଜଣେ ସ୍ଥାନୀୟ ପ୍ରାର୍ଥୀ ଚାହୁଁଛନ୍ତି, ବାହାର ଲୋକ ନୁହେଁ। ଏଥି ସହ ଦିଲ୍ଲୀ ପ୍ରଦେଶ କଂଗ୍ରେସ ସଭାପତି ଅରବିନ୍ଦର ସିଂ ଲଭଲି ତାଙ୍କ ଇସ୍ତଫା ପତ୍ରରେ କହ୍ନୈୟା କୁମାରଙ୍କୁ ଆମ୍ ଆଦମୀ ପାର୍ଟି (ଏଏପି) ଏବଂ ଏହାର ମୁଖ୍ୟ ଅରବିନ୍ଦ କେଜ୍ରିୱାଲଙ୍କୁ ପ୍ରଶଂସା କରିଥିବା ଅଭିଯୋଗ କରିଛନ୍ତି। ଆମେ ଆପଣଙ୍କୁ କହି ରଖୁଛୁ ଯେ ତାଙ୍କ ଇସ୍ତଫା ପତ୍ରରେ ଅରବିନ୍ଦର ସିଂ ଲଭଲି ମଧ୍ୟ କଂଗ୍ରେସର ଦିଲ୍ଲୀର ସାଧାରଣ ସମ୍ପାଦକ ଦୀପକ ବାୱରିଆଙ୍କୁ ଏଥିରେ ହସ୍ତକ୍ଷେପ କରିଥିବା ଅଭିଯୋଗ କରିଛନ୍ତି।

ଲଭଲି କହା କହିଛନ୍ତି ଯେ ଉତ୍ତର ପୂର୍ବ ଦିଲ୍ଲୀର ପ୍ରାର୍ଥୀମାନେ ମଧ୍ୟ ପାର୍ଟି ଲାଇନ ଏବଂ ସ୍ଥାନୀୟ ଦଳର କର୍ମୀଙ୍କ ବିଶ୍ୱାସକୁ ଉଲ୍ଲଂଘନ କରି ଦିଲ୍ଲୀ ସିଏମଙ୍କୁ ମିଥ୍ୟା ପ୍ରଶଂସା କରୁଥିବା ମିଡିଆ ବାଇଟ୍ ଦେଉଛନ୍ତି। ଆପଣଙ୍କୁ କହିରଖୁଛୁ ଯେ ଦିଲ୍ଲୀର ଇଣ୍ଡିଆ ବ୍ଲକ୍ ର ଏକ ଅଂଶ ଭାବରେ କଂଗ୍ରେସ ଏବଂ ଆମ୍ ଆଦମୀ ପାର୍ଟି ଲୋକସଭା ନିର୍ବାଚନରେ ​​ଏକାଠି ପ୍ରତିଦ୍ୱନ୍ଦ୍ୱିତା କରୁଛନ୍ତି। ସୂଚନାଯୋଗ୍ୟ ଯେ, ନିକଟରେ କଂଗ୍ରେସ ନିଜର ନିର୍ବାଚନୀ କାର୍ଯ୍ୟାଳୟର ଉଦଘାଟନ୍ କରିଥିଲା । ଏଥିରେ ରାହୁଲ ଗାନ୍ଧୀ, କେଜ୍ରିୱାଲଙ୍କ ସହିତ କହ୍ନୈୟାଙ୍କ ଫଟୋ ଦେଖିବାକୁ ମିଳିଥିଲା । ଏହାବାଦ୍ ଅନ୍ୟ କୌଣସି ନେତାଙ୍କୁ ପୋଷ୍ଟରରେ ଦେଖିବାକୁ ମିଳିନଥିଲା । ଯାହାକୁ ନେଇ ବିବାଦ ଉପୁଜିବା ସହିତ ଅରବିନ୍ଦର ସିଂହ ଲଭଲି ଇସ୍ତଫା ଦେଇଛନ୍ତି ।