ନୂଆଦିଲ୍ଲୀ: ୨୨ ଦିନ ପରେ ଜେଲ୍ରୁ ମୁକୁଳିଲେ ଆର୍ୟନ୍ ଖାନ। ମୁମ୍ବାଇ କ୍ରୁଜ୍ ଡ୍ରଗ୍ସ ମାମଲାରେ ଗିରଫ ହୋଇଥିବା ଆର୍ୟନ୍ ୨୨ ଦିନ ପରେ ଆର୍ଥର ରୋଡ୍ ଜେଲରୁ ମୁକ୍ତ କରାଯାଇଛି। ଶାହାରୁଖଙ୍କ ଅଙ୍ଗରକ୍ଷୀ ରବି ଜେଲ ବାହାରେ ପହଞ୍ଚିଥିଲେ। ଜେଲ ପ୍ରଶାସନ ଆର୍ୟନ୍ଙ୍କୁ ହସ୍ତାନ୍ତର କରିଥିଲେ।
ଆର୍ୟନ୍ ଜେଲରୁ ବାହାରି କାରରେ ସିଧା ମନ୍ନତ ଅଭିମୁଖେ ବାହାରିଥିବା ଦେଖିବାକୁ ମିଳିଛି। ସେ ଜେଲରୁ ବାହାରିବା ମାତ୍ରେ ପ୍ରଶଂସକଙ୍କ ମଧ୍ୟରେ ଖୁସି ଦେଖିବାକୁ ମିଳିଥିଲା ଏବଂ ‘ମନ୍ନତ’ ବାହାରେ ଏକ ବିରାଟ ଜନସମାଗମ ହୋଇଥିଲା। ଏହା ସହିତ, ସେମାନଙ୍କୁ ମଧ୍ୟ କିଛି ସର୍ତ୍ତ ପାଳନ କରିବାକୁ ପଡିବ ବୋଲି ମଧ୍ୟ କୁହାଯାଇଛି। ଆର୍ୟନଙ୍କ ଜେଲ୍ରୁ ମୁକୁଳିବା ପରେ ପିତା ଭାବରେ ଶାହାରୁଖଙ୍କୁ ଦୀପାବଳି ଏବଂ ଜନ୍ମଦିନ ଉପହାର ମିଳିଥିବା ଜଣାପଡ଼ିଛି।