ମୁମ୍ବାଇ: ଜୁନିଅର୍ ଖାନଙ୍କୁ ମହଙ୍ଗା ପଡ଼ିଲା ମୁମ୍ବାଇ କ୍ରୁଜ୍ ଡ୍ରଗ୍ସ ପାର୍ଟି । ବେଲ୍ ମିଳିଲାନି । ଶେଷରେ ମୁମ୍ବାଇ ଆର୍ଥର ରୋଡ୍ ଜେଲ୍ ଯାଇଛନ୍ତି ଶାହାରୁଖ ଖାନଙ୍କ ପୁଅ ଆର୍ୟନ୍ ଖାନ୍ । ଜେଲରେ ପ୍ରଥମ ରାତି କାଟିଛନ୍ତି । ଡ୍ରଗ୍ସ କେସରେ ଗିରଫ ଅଭିଯୁକ୍ତଙ୍କୁ ଆର୍ଥର ରୋଡ୍ ଜେଲର ପ୍ରଥମ ଫ୍ଲୋରରେ ଥିବା ବାରାକ୍ ନମ୍ବର-୧ରେ ରଖାଯାଇଛି ।
ବର୍ତ୍ତମାନ କାହାରିକୁ ଜେଲ୍ ୟୁନିଫର୍ମ ଦିଆଯାଇ ନାହିଁ । ସମସ୍ତଙ୍କୁ ୧ ନମ୍ବର ବାରାକରେ ୫ ଦିନ ପାଇଁ କ୍ୱାରେଣ୍ଟିନରେ ରଖାଯିବ । ଯଦି କାହା ପାଖରେ କୌଣସି ଲକ୍ଷଣ ଦେଖାଦିଏ ସେମାନଙ୍କର ଟେଷ୍ଟ କରାଯିବ । ଆର୍ୟନ ଖାନଙ୍କ ସମେତ ସମସ୍ତ ୮ ଅଭିଯୁକ୍ତଙ୍କ କୋଭିଡ୍ ଟେଷ୍ଟ ରିପୋର୍ଟ ନେଗେଟିଭ୍ ଆସିଛି ।
ଆର୍ୟନଙ୍କ ସମେତ ଅନ୍ୟ ୮ ଜଣ ଜେଲର ଅନ୍ୟ ଅନ୍ତେବାସୀଙ୍କ ଭଳି ରହିବେ । ଜେଲରେ ଘର ଖାଇବା ଚାହିଁଲେ କୋର୍ଟଙ୍କ ଅନୁମତି ଆଣିବାକୁ ପଡ଼ିବ । ଜେଲ୍ ରୁଟିନ୍ ମାନିବାକୁ ପଡ଼ିବ । ସକାଳ ୬ଟାରେ ଉଠିବେ । ୭ଟାରେ ଜଳଖିଆ ମିଳିବ । ୧୧ଟାରେ ଦିନବେଳା ଖାଇବା ଦିଆଯିବ ।
ଦିନ ଓ ରାତି ବେଳା ଖାଇବାରେ ରୋଟି, ତରକାରୀ, ଭାତ ଓ ଡାଳି ଦିଆଯିବ । ସନ୍ଧ୍ୟା ୬ଟା ଅନ୍ତେବସୀଙ୍କୁ ଦିଆଯାଏ ରାତି ଖାଇବା । ଅଲଗା ଖାଇବା ଜେଲ୍ କ୍ୟାଣ୍ଟିନରୁ ମଗାଇ ପାରିବେ । ଏଥିପାଇଁ ଟଙ୍କା ମନି ଅର୍ଡର କରିବାକୁ ହେବ ।
Comments are closed.